د بلوچستان د مرکز کوټې ښار په یو جومات کې چاودنه شوې چې د لومړنیو رپوټو له مخې په کې ١٣ تنه وژل شوي او ٢٠ نور ټپیان دي.
د بلوچستان د پولیسو مشر محسن حسن بټ، د فرانس پرس اژانس ته ویلي چې دغه چاودنه د کوټې ښار په سېټلاېټ ټاون کې شوې ده.
د بلوچستان وزیراعلی جام کمال خان دغه برید په سختو ټکو غندلی دی او ویلي یې دي چې د نړۍ هیڅ مذهب او قام په یو جومات کې د عبادت کوونکو په نښه کولو اجازه نه ورکوي.
د پولیسو یو مشر رازق چیمه ویلي چې د کوټې د پولیسو ډي اېس پي "امان الله" هم په دغه چادونه کې وژل شوی دی.
د کویټې سندیمن روغتون یو ډاکتر محمد وسیم د ١٠ تنو وژنه تائید کړې او ویلي یې دي چې ١٦ تنه نور ټپیان شوي دي.
په کوټه کې د جنورۍ پر اومه نېټه هم د دغه ښار په مرکز کې په یوې چادونې کې دوه تنه وژل شوي او ۱۶ ټپیان شوي وو.
تر اوسه ددې چاودنې پړه کوم کس او یا ډلې نده منلې.
