د افغانستان د ملي امنیت شورا د طالبانو د غورځنګ له ځينو جلا شویو ډلو ټپلو سره د وسلو او پېسو مرسته په کلکه رد کړه.
د والسټریټ ژورنال په یو تازه راپور کې ویل شوي، چې افغان حکومت د امریکا د استخباراتو په همکارۍ، د ملا رسول په مشرۍ د طالبانو له ډلې سره د وسلو او پېسو مرسته کوي، چې د طالبانو په غورځنګ کې پېدا شوي درزونه لا زیات شي.
خو، د ملي امنیت د شورا ویاند، تواب غورځنګ، امریکاغږ اشنا ته وویل" له طالبانو سره د افغان حکومت د مرستو خبره صحت او حقیت نلري. طالبان د افغان حکومت او خلکو دښمنان دي او د هغوی ځپل زموږ لومړیتوب دی".
ښاغلي غورځنګ د امریکا غږ خبریالې، نوشابې اشنا، ته دا هم وویل چې طالبان باید د افغان حکومت له لوري له ورکړل شوي محدود فرصت نه استفاده او سوله وکړي.
مرکه یې دلته واورئ:
