نن جمعه ډسمبر ۱۳ (لیندۍ۲۳) د افغانستان د کرکټ ملي لوبډله له زمبابوې سره دویمه نړیواله شل اوریزه لوبه کوي.
زمبابوې دوې ورځې مخکې په لومړۍ نړیوالې لوبې کې افغانستان ته په یوې په زړه پورې لوبې کې ماتې ورکړه.
د افغانستان کرکټ بورډ په خپل رسمي فیسبوک کې لیکلي دي چې دا لوبه هم د زمبابوې په هرارې کې ده.
دا د افغانستان او زمبابوې ترمنخ د دریو شل اوریزو نړیوالو لړۍ ده.
که افغانستان نننۍ لوبه وګټله، د درېیمې لوبې ګټونکی به د روانې لړۍ ګټونګی وي، او که یې وبایلله، زمبابوې به د لړۍ ګټونکی شی.
د دواړو هېوادونو ترمنځ درېیمه شل اوریزه لوبه د شنبې په ورځ ده.
له شل اوریزو لوبو څخه وروسته د دوی ترمنځ د دریو یوه ورځنیو نړیوالو لوبو لړۍ پیل کېږي او بیا ورپسې د ټست دوې لوبې دي، چې وروستۍ لوبه یې د جنورۍ په دویمه نېټه ده.
فورم \ دبحث خونه