ټرمپ د جمهوري ریاست انتخابات وګټل

ډونالډ ټرمپ د مونټانا، میزوري او یوتا ایالتونه وګټل او پدې سره یې د انتخاباتې رایو شمیر ۱۹۸ شو.

د امریکا غږ خبریال سمیع الله جلالزی د فلوریډا ایالت څخه د جمهوري ریاست انتخاباتو په هکله تازه جزیات وړاندې کوي.

ډونالډ ټرمپ د اوهایو، نیبراسکا، شمالي او جنوبي ډیکوټا، لوزیانا، ټکساز او وایومینګ په ایالتونو کې د انتخاباتو ګټونکی شو او پدې سره یې تر دې دمه د انتخاباتو رایو شمیر ۱۷۸ شو.

د کاملا هریس ټولې انتخاباتې رایې بیا تر دې دمه ۹۹ دي. هغې تازه د نیویارک ایالت انتخابات وګټل.

ډونالډ ټرمپ د ارکنساس ایالت هم وګاټه. پدې سره یې تر دې دمه د انتخاباتي رایو شمیر ۱۰۱ شو.

کاملا هریس بیا تر دې دمه ۷۱ انتخاباتي رایې لري. هغې د نیوجرسي، ډیلیور، او ایلونایز ایالتونه وګټل.