۳۰۰ هغه پخواني معتادین چې له ننګرهار څخه د درملنې لپاره د کابل ابن سینا روغتون ته راوستل شوي ول، تر ۴۵ ورځنۍ درملنې وروسته خپلو کورونو ته ولېږل شول.
د دغه روغتون مشر احمد ظاهر سلطاني وايي هڅه کوي چې د ډېرو معتادینو درملنه وکړي او بېرته یې خپل عادي ژوند ته وګرځوي.
هغه وايي " د ابن سینا د معتادینو د درملنې زر بستریز روغتون د کابل په ګډون د ټولو ولایتونو په چوپړ کې دی او هڅه کوي چې په ښه ډول د معتادینو درملنه وکړي".
دغه پخواني معتادین وايي دا چې بېرته له خپلو کورنیو سره یو ځای کیږي او یو نوی ژوند پیلوي، ډېر خوښ دي.