د افغانستان د خبریالانو مرکز وايي چې په کابل کې د ارزو تلویزیون هغه اوه خبریالان او کارکوونکي چې د طالبانو د استخباراتو ریاست نیولي و، د جمعې د ورځې ناوخته د ضمانت په وړاندې کولو خوشې کړي، خو ددغه تلویزیون د کابل دفتر لا هم تړلی دی.
د بې پولې خبریالانو سازمان (RSF) په افغانستان کې د خبریالانو او رسنیو پر وړاندې د طالبانو وروستیو اقداماتو ته په کتنې چې له امله یې په یو شمیر ولایتونو کې تلویزیوني او راډیوي خپرونې بندې شوي اندیښنه ښودلې او ویلي دي طالبانو په روان کال کې لږ ترلږه ۱۲ عامه او خصوصي رسنۍ تړلي دي.
د الجزیرې شبکې د یکشنبې په ورځ ډسمبر ۱۵ (لیندۍ ۲۵) په غزه کې د دې رسنې د یو خبریال د وژل کېدو خبر ورکړ.
د متحدو ایالتونو منتخب ولسمشر ډونالډ ټرمپ وايي پلان لري چې امریکايۍ سیاستواله او په اریزونا ایالت کې پخوانۍ خبریاله کاري لېک د امریکا غږ د رئیسې په توګه وګماري.
د افغانستان لپاره د امریکا غږ د دري ژبې د څانګې خبریال، ایډیټر او د خپرونو چلوونکی حفیظ اصفي له دغې ادارې سره تر ۱۵ کالونو کار وروسته تقاعد وکړ.
د افغانستان د خبریالانو مرکز د نومبر په ۲۱مه (جدي لومړۍ نېټه) د ټلوېزیون د نړیوالې ورځې په مناسبت ویلي چې په افغانستان کې پر ټلویزیونونو د طالبانو محدودیتونه زیات شوي او په تېر کال کې لږ تر لږه ۱۲ ټلوېزیونونه یا د طالبانو په مستقیم امر او یا ددې ډلې د محدودینتونو له امله تړل شوې دي.
افغانستان لپاره د امریکا د متحده ایالاتو د سفارت شارژدافیرې کرن ډیکر افغان خبریالانو او رسنیو پر وړاندې مخ په زیاتیدونکي ډول ګواښونو او ننګونو ته په کتنې ویلي چې اړتیا ده چې افغان خبریالان په خپل هیواد کې د غچ د اخیستلو له ډار پرته په ډاډه زړه خپل کارته دوام ورکړي.
د ټولنیزو رسنیو «ایکس» شبکې نن دوشنبه اکتوبر ۲۸ (لړم اوه) هغه حساب ځنډولی، چې څو ورځې مخکې پرانیستل شوی و او د ایران د مذهبي مشر ایت الله علي خامنه یي په استازیتوب یې په عبراني (عبري) ژبې پوستونه او مواد خپرول.
بخښنې نړیوال سازمان له نړیوالې ټولنې څخه په افغانستان کې د بشري حقونود سرغړونو اود طالبانو د ځپوونکو اقداماتو د مخنیوي لپاره د قوي کلیماتو د کارولو پرځای د قوي اقداماتو غوښتنه کړې او ویلي دي چې یوازې د قوي اقداماتو له لارې په دغه هیواد کې بشري وضعیت ښه کیدلی شي.
په افغانستان کې د طالبانو د بیاواکمن کېدو راهیسې افغان ژورنالستانو د سلګونو داسې پېښو راپور ورکړی چې د حکومتي چارواکو له خوا خبریالان نیول شوي، شکنجه شوي او کار یې سانسور شوی دی.
د الجزیرې خبري شبکه وايي د اسرائيل وسلهوالو ځواکونو چې پر مخونو یې نقابونه و د یکشنبې په ورځ سپتمبر ۲۲ (تلې اول) د لویدیځې غاړې په رامالله کې د دوی پر دفتر برید کړی او د ۴۵ ورځو لپاره یې د دغې څانګې د بندولو امر کړی دی.
په کابل کې د طالبانو تر کنترول لاندې ملي تلویزون په یوې ژوندۍ خپرونې کې د یوې خبریالې غږ او تصویر حذف کړل شوی او داسې ښکاري چې دا کار د طالبانو د امربالمعروف د نوي قانون په اساس شوی وی.
نور پورته کول
