د کابل ابن سینا د معتادینو د درملنې په روغتون کې یو شمېر معتادین د ډوډۍ له کمښت څخه شکایت کوي او وايي چې هر وخت له لوږې سره مخ وي.
۲۸ کلن فواد چې له شاوخوا ۱۲ کلونو راهیسې په نشه يي توکو اخته وو، د کابل په ابن سینا روغتون کې تر درملنې وروسته اوس روغ شوی دی.
د کابل اوسېدونکی محمد باقر ایران ته د کار لپاره تللی وو، خو هلته په نشه يي توکو اخته شو چې اوس یې ژوند له ډېرو کړاوونو سره مخ دی.
د لوګر اوسېدونکی امام الدین چې په ایران کې د مسافرۍ پر مهال د کوټې ملګرو په نشو اخته کړی دی نږدې ۴۰ کلونه کیږي چې خپل کور ته نه دی تللی.
۳۰۰ هغه پخواني معتادین چې له ننګرهار څخه د درملنې لپاره د کابل ابن سینا روغتون ته راوستل شوي ول، تر ۴۵ ورځنۍ درملنې وروسته خپلو کورونو ته ولېږل شول.
د ننګرهار محلي سندرغاړی مقبول جان شوقي چې یو وخت به یې په محفلونو کې سندرې ویلې، له یو نیم کال را په دې خوا په نشه يي توکو اخته شوی چې دا مهال د کابل په یو روغتون کې تر درملنه لاندې دی.
په کابل ښار کې یو شمېر معتادین د موټرو په تمځایونو کې لیني موټرو ته سورلۍ پیدا کوي چې له دې لارې د ژوند او نشو ورځني لګښتونه پوره کوي.
ډاکټرانې وايي هغه مېندې چې د حاملګۍ پر مهال نشه يي توکي کاروي، نه یوازې خپله د زېږون پر مهال پېچلتیاوې پیدا کوي بلکې ماشومان یې هم جسمي او ذهني نیمګړتیاوې لري.
د ملي اردو پخوانی سرتېری سید مالک چې د کابل په باغ قاضي کې له نورو معتادینو سره ګډې نشې کوي وايي په جګړه کې محاصره وو، چې په نشه يي توکو اخته شو.
په کابل کې د معتادینو په دېرو کې یو شمېر هغه پخواني سرتېري لیدل کیږي چې خپلې دندې یې له لاسه ورکړي، د ملي دفاع وزارت وايي چې د اردو په لیکو کې داسې څوک نه پرېږدي چې نشې کوي.
د ملي اردو پخوانی سرتېری تماس خان چې اوس په نشه ييتوکو روږدی دی، نه یوازې خپله دنده له لاسه ورکړې بلکې ژوند یې له نورو ستونزو سره هم مخ شوی دی.
د پولیسو یو پخوانی سرتېری امان الله چې د کابل په باغ قاضي سیمه کې له نورو معتادینو سره یو ځای نشې کوي، وايي چې د مېرمنې له مړینې وروسته په نشو اخته شو.
۲۲ کلن ابوبکر چې له پنځو کلونو راهیسې په نشه يي توکو روږدی دی او پوډر څکوي، د کابل پر واټونو شپې سبا کوي.
په کابل ښار کې په نشو روږدي د سړکونو پر غاړو او ډیرانونو راټول شوي پلاستیکونه، کاغذونه او وسپنې، د کباړو پر ځانګړو دوکاندارنو پلوري او له همدې لارې د نشه يي توکو او نور اړتیاوو پوره کولو لپاره پیسې لاس ته راوړي.
پخوانی پهلوان عبدالله چې شاوخوا درې لسیزې کیږي په نشه يي توکو اخته دی وايي چې د نشو له امله یې نه یوازې پهلواني پاته شوه بلکې له نورو ستونزو سره هم لاس او ګرېوان شو.
په نشه يي توکو معتاد ۳۰ کلن محمد داود چې لس کاله یې په ایران کې مزدوري کړې وایي چې د کډوالۍ پر مهال یې د کوټې ملګرو په نشه يي توکو اخته کړ.
په نشه يي توکو روږدی عبدالاحمد چې د کابل د پل سوخته سیمه کې اوسیږي وايي چې په ایران کې د سختو کارونو له امله په نشه ييتوکو اخته شو.
یو پخوانی پولیس سرتېري محمد صمیم چې له شپږو کلونو راهیسې په نشه يي توکو روږدی دی نه یوازې خپله دنده بایللې بلکې د نشو له امله یې ژوند له کړاوونو سره مخ شوی دی.
۴۸ کلن محمد صابر چې کلونه یې په ایران کې د خټګرۍ کار کړی، وایي په پیل کې یې د درملنې په موخه تریاک کارول چې وروسته په نشه ييتوکو اخته شو.
پنځوس کلن عبدالفتاح چې د کابل په سرای شمالی کې د معتادینو پر غونډۍ په یوه وړه خېمه کې شپې سبا کوي، وايي د نشو له امله یې خپله کورنۍ په کور کې نه خوښوي.
نور پورته کول
