شاهين افريدي په ۲۰۱۴ کې د اسلام اباد نمل پوهنتون څخه په ژورنالزم کې ماستري کړې ده. له ۲۰۱۲ کال راهيسې په پښتونخوا او پاکستان کې د ځايي او نړۍ والو رسنيو سره د خبريال په حيث کار پيل کړی. د ۲۰۲۲ راهسې امريکا غږ اشنا سره کار کوي.
پېښور کې د ځوانانو او زده کوونکو ترمنځ د پښتو ادب، تاریخ او کلتور په اړه پوهاوي رامنځته کولو په موخه دوه ورځنۍ ادبي میله جوړه شوې. د دې مېلې تنظیموونکي وایي چې خیبر پښتونخوا کې دا ډول غونډې به ځوانانو ته د تخلیقي فکر زمینه برابره کړي چې د ټولنې ګټور وګړي جوړ شي. شاهين افريدی - امريکا غږ
د پېښور په پوليس لاین کې شوې چاودنه کې د شپږو خوېندو يواځينی ورور ذیشان خان نن په لیډي ریډنګ روغتون کې ساه ورکړه. د هغه خپلوان وایي چې زیشان یواځې دوه میاشتې مخې واده کړی و او د ناوې په لاسونو یې د واده د نکریزو رنګ لا هم تللی ندی. شاهین افریدي - امریکاغږ
د پاکستان د کډوالۍ ملي اداره وایي چې په پاکستان کې سږکال د اقتصادي وضعیت خرابیدو له کبله له ۸۰۰ زرو څخه ډیر تعلیم یافته ځوانان له هیواده بهر تللي چې ډیری یې په بهرنیو هیوادونو کې د کارګر په توګه کار کولو ته اړ شوي دي۔ شاهين افریدي- امریکاغږ
هر ماښام د پېښور په ښار کې دا ودانۍ د څه باندې ۷۰ هغو بې وزلو ماشومانو لپاره په ښوونځي بدلېږي، چې د ورځې په اوږدو کې له خپلو والدینو سره په کار کې مرسته کوي او یا هم د هغو بې وزلو کورنیو سره مرسته کوي چې ماشومان یې ښوونځي ته د تګ توان نه لري. شاهين افریدی - امریکاغږ
په خیبر پښتونخوا کې د لرغونو اثارو ځایونه د بودایانو او نورو مذهبونو پیروانو لپاره ډیر اهمیت لري. کارپوهان وایي چې د دې ځایونو له امله په پاکستان کې مذهبي سیاحت د ودې په حال کې دی. جزییات یې د شاهین آفریدي په رپوټ کې کتلی شئ.
د پيښور اوسيدونکې فصيحه شريف چې پخپله خبرياله ده، وایي لومړۍ میرمن ده چې په خيبرپختونخوا کې يې اډيو [غږ ثبتولو]سټوډيو جوړه کړې. په دغې سټوډيو کې فصیحه شریف د پاکستان او افغانستان ځینو خبريالانو او په خصوصي توګه ښځينه خبريالانو ته د کار زمينه برابره کړې۔ شاهين افريدی - امريکا غږ
د پېښور اوسېدونکې جلوت هما له تېر یوه کال راهیسې افغان او پاکستاني ماشومانو ته چې په کوڅو کې کثافات راټولوي د انځورګرۍ او کمپیوټر د زده کړې کورس جوړ کړی. نوموړې نن په پېښور پوهنتون کې د دغو ماشومانو د لاسونو د انځورونو نندارتون جوړ کړی و. شاهین افریدي- امریکاغږ
د پېښور په «مفکوره مرکز» کې ځوانانو ته د پښتنو د دودیز اتڼ د زده کړو درې ورځنی تمرین ترسره شو. په پیښور کې د ژوند د بیلابیلو څانګو خلکو د افغان زده کونکو او میرمنو په ګډون د اتڼ زده کړې لپاره برخه اخیستې وه. تنظیم کونکو د اتڼ د دود ساتلو لپاره پدې هدف وړیا ټولګي تنظیم کړي وو
په پېښور کې میشت دوه افغان وروڼه په یو بازار کې د خپلو ځانګړو افغاني منتو په پلورلو مشهور دي. دې بازار ته زیات کسان د عمران او نورشیر منتو د خوړلو لپاره ورځي. دوی وايي هغه خلک چې يو وارې منتو وخوري نو بيا بیا ورځي او دا ددې افغاني خواړو ځانګړتیا ده.
د پيښور اوسیدونکی اسد عمران د ۲۰۰ نه زياتو يتيمانو او بې وزلو ماشومانو لپاره د وړيا زده کړو مسولیت په غاړه اخستی. هغه هیله لري چې دا ماشومان په راتلونکي کې انجینر، ډاکټر یا ښوونکي شي. شاهین افریدي په خپل راپور کې د دغه ځوان د ژوند هلې ځلې انځور کړي.
د پېښور د قبایلي سیمې ځوانانو او د زده کوونکو د ټولنو له خوا د باجوړ کلتوري ماښام په نوم یو هنري پروګرام جوړ شوی و. په دې پروګرام کې د باجوړ د سياسي، ټولنيزو او قبايلي مشرانو په ګډون سلګونو ځوانانو برخه اخيستې وه. ګډونوال وایي دغه پروګرام له لارې نړۍ ته د سولې پیغام ورکوي ۔ شاهين افريدی - امريکا غږ
په پیښور کې یو افغان مهاجر چې مسافر نومیږي په کارخانو بازار کې منتو او يخني پلوروي. هغه د اقتصاد پوهنځي نه فارغ شوی او غواړي په پاکستان کې ماستري وکړي، خو په پاکستان کې د افغان کډوالو په اړه ناسمه پالیسي لوړو زده کړو ته د هغه او د هغه په شان نورو کډوالو مخه نیولې.
د پيښور پاراپلجک سنټر کښې د "هنر ټولو لپاره" تر عنوان لاندې د نقاشۍ نندارتون جوړ شو. په دغه نندارتون کې د نقاشۍ بېلابېلو ډولونو له لارې په ټولنه کې د معلولینو ستونزې او ننګونې انځور شوې وې. شاهين افريدی - امريکا غږ
په خيبر پښتونخوا کې کروندګر وایي دغه ایالت کې هر کال تر يو نيم ميليون ټنه ګڼي راټولیږي چې نیمایي یې د ګوړې په تولید کې کارول کیږي. بزګر ویره لري چې د حکومت غلطو پاليسیو له کبله ښایي دغه تولید پوره وده ونکړي او پاکستان دغه بازار له لاسه ورکړي. شاهين افریدي- امریکاغږ
په پېښور کې د افغان کډوالو په لاس جوړې جامې او ګاڼۍ د بهرنیو سیلانیانو او پاکستانیانو ترمنځ ډېرې مشهورې دي. دوکانداران وایي مشتريان دغه زيورات په کلتوري غونډو او ودونو کې ډير کاروي۔ د دغو ګاڼو بیه له ۱۵۰۰ تر ۳۰ زرو پاکستانۍ کلدارو پورې وي او بهرنیو هیوادونو ته یې هم لیږي. شاهین افریدي - امريکا غږ
مشهور سندرغاړي، شاعر او د هنرمندانو د حقونو فعال راشد احمد خان د پېښور پوهنتون د پښتو څانګې نه د پښتو فولکلور موسيقۍ په اړه په برياليتوب سره د خپلې دوکتورا د مقالې دفاع کړې ده. د پېښور پوهنتون د پښتو څانګه دا مني چې تر راشد خان وړاندې چا په دغه برخه کې دکتورا نه وه کړې. شاهين افريدی - امريکا غږ
په پېښور پوهنتون کې د وزیرستان محصلینو ټولنې په قبایلي او پښتون مېشته سیمو کې د ځوانانو د رول په اړه یوه مطالعاتي حلقه جوړه کړه چې پکې د خيبر پښتونخوا له بېلابېلو سيمو څخه د نارينه او ښځينه زده کوونکو په ګډون افغان محصلينو هم برخه اخيستې وه. شاهين افريدی- امريکا غږ
د پيښور دغه ورزشي کلب کې د ګڼو ورزشکارانو له ډلې یو هم موسی کلیم دی چې کرۍ ورځ په یوې نانوایۍ کې ډوډۍ پخوي او خپل فارغ وخت کې د سوک وهنې ورزش کوي. موسی وایي په خپل هیواد کې د فرصتونو نشتوالي له کبله کډوالۍ ته مجبور شوی او په ځینو سیالیو کې د افغان لوبغاړو په وړاندې د پاکستان استازیتوب هم کړی.
د پېښور په صدر بازار کې یو ډول ځانګړې افغاني ډوډۍ چې د پيتزا په شان ده ځايي خلک یې ډیره خوښوي. ددغه ډوډۍ د نانوای او دوکاندار په وینا، د ښار له ګوټ ګوټ څخه خلک د دغه ډوډۍ د اخیستلو لپاره ورته زنګونه وهي. ډوډۍ پخوونکي د افغانستان دي او دا ډوډۍ افغان مهاجرو رواج کړې ده.
نور پورته کول
