د یمن لپاره د ملګرو ملتو ځانګړی استازی مارټن ګریفیتس د حدیدې د ښار په اړه د حوثي یاغیانو او د سعودي عربستان په مشرۍ د ایتلاف تر منځ د منځګړیتوب لپاره پرون شنبه صنعا ته ورسید چې د حدیدې په ښار کې د جګړې مخه ونیسي.
ګریفیتس غواړي چې حوثي یاغیان دیته وهڅوي چې له حدیدې ووځي څو په هغه ښار کې د ناوړه بشري پایلو مخنیوی وشي.
د ملګرو ملتو استازی په داسې وخت کې یمن ته سفر کوي چې د حدیدې د ښار شاوخوا سخته جګړه روانه ده او د سعودي عربستان په مشرې ایتلاف هڅه کوی چې دغه ښار ونیسي.