د نیویارک د ښار د منهاتن په سیمې کې د شنبې په شپه چاودنه شوې ده او ۲۹ کسان یې ژوبل کړي دي.
د نیویارک ښار پولیس وايي که څه هم چاودنه قصدي شوې، خو تروریستي عمل نه دی.
د اسوشیټیډ پریس خبرې آژانس چاودنه د منهاتن د چلسي په سیمې کې شوې ده، چاودنه د یو ړوند په کور کې شوې ده.
د نیویارک ښاروال بیل ډبلسو وویل چې پولیسو د پټو کېمرو په واسطه د اخیستلو شویو تصویرونو څخه د چاودنې په اړه نور جزییات ترلاسه کړي، خو په اړه یې معلومات ورنکړل.
ویل کیږي د ټولو زخمیانو حالت ښه دی او یو یې هم د مرګ له خطر سره مخامخ نه دی.
د نیویارک پولیس د چاودنې په سیمه کې یوه بله چاودېدونکې اله هم موندلې او په اړه یې تحقیقات پیل کړي دي.
د پیښې نه سمدستې وروسته پولیس او د اطفایې عمله سیمې ته رسیدلي دي.
د نیویارک پولیسو په یوه بیان کې د موټرو چلونکو او نورو خلکو ته ویلي دي چې سیمې ته دې نه ورځي.
ځایي رسنیو خبر وروکړی دی چې کیدای شي چې چاودنه دې د کثافاتو په ځای کې شوې وي.