په داسې وخت کې چې افغان حکومت او طالبانو تر منځ د سولې او مذاکراتو لپاره هڅې ګړندۍ شوې، یو شمیر پخواني جهادي رهبرانو هم په دې بهیر کې ونډې اخیستو ته تیاری ښودلی.
پخوانی جهادي رهبر عبدالرب رسول سیاف وايي پر یوه پیاوړي پلاوي کار کوي چې له طالبانو سره د سولې خبرې اترې وکړي. هغه وایي چې دا پلاوی به د ولس استازیتوب کوي او د حکومت استازي به هم ولري.
د افغانستان جهادي رهبران په داسې وخت کې له طالبانو سره د سولې خبرو ته رادانګلي چې یو وخت له طالبانو سره جګړه کوله.
Your browser doesn’t support HTML5
Afghanistan peace
د افغانستان د سولې عالي شورا وايي له طالبانو سره د سولې په برخه کې د هر ګام هرکلی کوي.
په دې تیرو څو میاشتو کې د افغانستان د سولې په اړه هڅې ګړندۍ شوې، چې په دې اړه د کابل په ګډون په اندونیزیا او سعودي عربستان کې د دیني عالمانو کنفرانسونه جوړ شول، د دې تر څنګ د طالبانو له مشرانو سرهامریکايي چارواکو هم مخامخ خبرې کړیدي.