په هانګ کانګ کې چارواکي وايي ۲۰۰۰ حیوانات، چې موږګان هم په کې شامل دي، وژني.
چارواکي وايي دا پرېکړه یې له هغه وروسته وکړه چې یو شمېر موږګان د کرونا په ویروس اخته شول.
چارواکي زیاتوي چې یو شمېر دا موږګان له هالنډ څخه راوستل شوي وو.
هانګ کانګ همدغه راز د کورنیو موږګانو (Hamster)پلور او د کوچنیو حیواناتو واردات بند کړي دي. چارواکي وايي د یو پلورنځي یو کارکوونکی هم د کرونا ویروس په نوې بڼې «دلتا» اخته شوی دی.
د هانګ کانګ د روغتیا اداره وايي چې هڅه کوي دغه حیوانات د وژلو پر مهال ونه ځوریږي او پروسه یې چټکه اوسي.
د امریکا د متحدو ایالتونو د ناروغیو د وقایې او مخنیوي مرکز وايي چې ښکاري حیواناتو د کرونا ویروس په انتقال کې مهم رول لوبولی دی. خو هانګ کانګ دا خبره رد کړې ده.
د هانګ کانګ د روغتیا وزارت یو چارواکي ایدوین سو ویلي دي چې له حیواناتو څخه د پلورنځي کارکوونکو ته د کرونا انتقال استثنا نشي بللای.
په همدې حال کې له حیواناتو سره د زور زیاتي او مظالمو د مخنیوي ټولنې ویلي دي چې د هانګ کانګ دا اعلان خواشینوونکی دی او باید د حیواناتو تر وژلو مخکې په خپلې دغې پرېکړې له سره کتنه وکړي.