د تریاکو د نیش وهلو لپاره هره ورځ په لسګونه کسان د کار لپاره هغو سیمو ته ځي چې پراخ کښتونه پکې شوې دي.
د حاصل د راټولو کار ته يې (نیش) وايې چې هره ورځ لس ګونه بې روزګاره کسان د تریاکو د کښت سیمو ته پسي ځي.
له کندهار څخه تیریدونکي دا کسان ټول یوه ستونزه یاده وي، د کاري فرصیتونو نشتون او بې روزګاري. د ګلاب الدین په نوم یو ځوان د تریاکو نیشګر دی. ده اشنا ټلویزیون ته وویل د بې روزګارۍ له کبله د تریاکو نیش وهل یې پیل کړې دي.
د بې روګارۍ ستونزه د هغو سیمو اوسیدونکي هم یادوي چې څو کاله وړاندي د تجارت عمده مرکز بلل کیده.
د سپین بولدک ولسوالۍ اوسیدونکی سیف الله له خپلو نورو پنځو ملګرو سره د کندهار جنوبي ولسوالیو ته د تریاکو په نیش پسې روان دی.
دی وايي چې اوس په سپین بولدک ولسوالۍ کې پخوانی تجارت او کاروبار نشته ځکه خو يې د تریاکو د حاصل را ټولو کار ته مخه کړې.
سیف الله وايي "اوس کارونه نشته، بې روزګاري ده، نیش وهلو ته روان یو ".
دا نیشګر مني چې چې د تریاکو کښت او کارو بار د ټولنې لپاره ډير زیانونه لري، خو له دوی څخه هر یو يې خپل کمزوری اقتصاد او د بې وزلۍ ستونزه یاده وي.
د هلمند په ګډون د جنوب په یو شمیر ولسوالیو کې له تیرو ۲ اونیو راهیسې د تریاکو د حاصل را ټولول پيل شوي.
د تریاکو نیش وهل
که څه هم د تریاکو په نیش کې د بوختو کسانو د قیق شمیر معلوم نه دی، خو د نشه يي توکو پرضد د مبارزې مسئولین وايې چې په اټکلیز ډول د جنوبي ولایتونو په کچه پدغو شپو ورځو کې تر ۹۰ زره زیات کاریګر د تریاکو د حاصل د را ټولو په کار کې بوخت دي.