د افغانستان د ولسمشر محمد اشرف غني لوی اختر څخه یوه ورځ مخکې د سل ګونو طالب بندیانو د آزادیدو امر وکړ.
په آزادو شویو کسانو کې یو د ننګرهار د غني خیلو اوسیدونکی عبدالوارث هم شامل دی چې درې کاله یې زندان تیر کړل.
عبدالوارث امریکا غږ سره په ځانګړې مرکه کې د خپل ژوند ترخې خاطرې شریکې کړي دي. هغه وايي کله چې بندي وو د افغان پوځ په لیکو کې یې ځوان زوی طالبانو سره په جگړې کې وژل شوی دی.
دوه څلوېښت کلن وارث څه باندې درې کاله مخکې حکومتي ځواکونو هغه مهال نیولی و چې په خپل شخصي موټر کې یې وسله وال طالبان انتقالول.
هغه وايي د ننګرهار په غني خیلو کې یې له پنځلسو کالو راهیسې ټکسي چلوله، خو طالبانو پرې په زور د خپلو وسله والو ليږدول ومنل.
وارث د سولې تازه هڅو ته هیله من دی او وايي که هدیرو کې پر قبرونو جندې سپینې یا درې درنګه دي، خو د جګړې هره وژنه د اوږده درد او کړاو نښانونه بلل کیدای شي.
Your browser doesn’t support HTML5
ننګرهار