د لوګر يو شمېر سپين ږيرو او قومي مشرانو د امريکا متحدو ايالاتو جمهور رئيس ډونالډ ټرمپ ته د شجاعت په نوم د سرو زرو ميډال جوړ او هغه ته يې لېږلی دی.
په لوګر کې د ساداتو د قوم مشر سيد فرهاد اکبري اشنا راډيو ته په مرکه کې وويل، چې دا ميډال يې د پاکستان په اړه د ډونالد ټرمپ د وروستي ټويټ په غبرګون کې هغه ته لېږلی دی.
نوموړي زياته کړه، چې ميډال د پنځلس ګرامه سرو زرو څخه جوړ او ۴۵ زره افغانۍ پرې لګښت شوی، چې پيسې يې کروندګرو او قومي خلکو ورته راټولې کړې وې.
اکبري وويل چې ميډال يې پرون په کابل کې د امريکا سفارت ته وسپاره، څو يې ولسمشر ټرمپ ته ولېږي.
له قومي مشر سيد فرهاد اکبري سره د اشنا راډيو خبريال ابراهيم رحيمي سره مرکه کړې ده او په سر کې يې د ميډال په اړه د معلوماتو پوښتنه ترې کړې ده.
Your browser doesn’t support HTML5
قومي مشر سيد فرهاد اکبري سره د اشنا راډيو خبريال ابراهيم رحيمي سره مرکه