شاید د امریکا په معاصر تاریخ کې داسې امریکايي نه وي، چې د کلنټن د کورنۍ او نوم سره اشنا نه وي. بل کلنټن د ۱۹۹۳ او ۲۰۰۰ کلونو کې دوه وارې د متحدو ایالتونو ولسمشر و. خو اوس یې میرمن هیلري کلنټن هوډ کړی، چې د خپل میړه پر پل قدم کیږي.
تراوسه د بل کلنټن د نن شپې د خبرو جزییات رسنیو ته نه دي وتلي، خو هره رسنۍ خپله ارزونه او تحلیل کوي. ځینو امریکایي رسنیو ویلي چې شاید بل کلنټن یوه تاریخي او نه هیریدونکې وینا وکړي.
د سي ان ان تلویزون وایي ممکن بل کلنټن داسې خبرې وکړي، چې مخکې یې نه وي کړي. سي ان ان وايي هغه به د خپل ګوند غړيو او نور امریکایانو ته ووايي، چې یې بیا میرمن د امریکا جمهور رئیسه شي.
واشنګټن پوست ورځپاڼې لیکلي په فلادلفیا کې به د بل کلنټن وینا یوه کسماري وینا وي. واشنګټن پوست وايي د امریکا مخکنی ولسمشر که هر څه وایي ودې وايي، خو مهمه خبره دا ده چې هغه به د خپلې میرمن په ملاتړ او ننګه غږیږي.
د امریکا پخوانی ولسمشر د دغه هیواد د یوې بلې احتمالي ولسمشرې په اړه وینا کوي.
که، هیلري کلنټن انتخابات وګټي، بل ګلنټن به د امريکا په تاریخ کې لومړنی کس وي، چې هم یې خپله د متحدو ایالتونو ولسمشر و او هم به یې میرمن ولسمشره وي.
واشنګټن پوست وايي، نن شپه به بیا په خبرو کې د کلنټن کورنۍ ډېره یادیږي.
د کنوانسیون د نن شپې یوه بله مهمه ویناواله د متحدو ایالتونو د استازو د جرګې مخکنۍ مشره، ننسي پلوسي ده.
د ډیموکراتانو ملي کنوانسیون د دوشنبې په ورځ پيل شو او په پنجشنبه به ختم شي، کنوانسیون به هیلري کلنټن رسمآ د ډیموکرات ګوند کاندیده اعلان کړي.
