د کانگرس مشرې نانسي پلوسي ویلي دي چې هغه به د امریکا ولسمشر ډونالډ ټرمپ ته اجازه ور نه کړي چې ملت ته د فیډرالي حکومت د بیرته فعالولو نه مخکې وینا وکړي.
د نانسي پلوسي وروستۍ څرگندونی د ولسمشر ټرمپ هغه پلانونو ته ضربه ده چې وایي د جنورۍ په ٢٩ به ملت ته وینا کوي.
اغلې پلوسي ولسمشر ټرمپ ته په یو لیک کې وویل حکومت بند دی، پکار ده مونږ په ملت ته د وینا لپاره په یو داسې نیټې په ټاکلو کار وکړو چې دواړو پرې موافق وي.
د امریکا ولسمشر تر هغه پورې کلنۍ وینا نشي کولی ترڅو د امریکا د استاځو مجلس او سنا دواړه د ولسمشر د وینا اجازه ورکړي. دا وخت دیموکرات گوند د استاځو په مجلس کې اکثریت لري.
که د ولسمشر ټرمپ کلنۍ وینا وځنډیده نو دا به د امریکا په تاریخ کې لمړی ځل نه وي. د دی نه مخکې په کال ١٩٨٦ کې د هغه وخت د ولشمر رونالډ ریگن وینا هم ځنډیدلي وه او داسې د ځینو نورو ولسمشرانو وینا هم د ځینو ستونزو له کبله د څه مودې لپاره ځنډیدلي.
