د امریکا جمهور رئیس ډونالډ ټرمپ په سپینې ماڼۍ کې د پاکستان د صدراعظم عمران خان سره د افغانستان د جګړې او د سولې په هکله خبرې وکړلې.
جمهور رئیس ټرمپ د عمران خان سره خبرو کې وویل چې د افغانستان جګړه یوې اونۍ کې هم خمتولی شي خو نه غواړي چې میلیونونه کسان ووژل شي.
ټرمپ په افغانستان کې د نړۍ تر ټولو د ستر غیر اټومي بم (د بمونو مور) کارول یادونه وکړله چې د ننګرهار په ولایت کې د داعش په مرکزونو واچول شو.
د امریکا جمهور رئیس وویل چې د همدا شان نورو بمونو په جوړولو کار روان و خو ټرمپ وویل چې " ما یې مخه ونیوله." جمهور رئیس ټرمپ همدرانګه وویل امریکا په افغانستان کې د ۱۹کالونو نه زیات وخت تیر کړی او اوس یې وخت راغلی چې د هغه هیواد نه ووځي.
ټرمپ وویل چې پاکستان د افغانستان نه زمونږ په وتلو کې همکاري کوي او زیاته یې کړه چې "ډیر ژر به د افغانستان په هکله ښه ځوابونه ولرو."
د پاکستان صدراعظم عمران پداسې وخت کې واشنګټن ته راغلی چې د افغانستان د سولې لپاره د امریکا د بهرنیو چارو د وزارت ځانګړي خلیلزاد ویلي دي چې د افغان سولې د اتم پړوا لپاره چمتوالی نیسي.