د افغانستان د چارو قطری شنونکی سلطان برکات وایي د دوحې غونډه د طالبانو دپاره یو فرصت و چې د افغانستان د پاره د ملګرو ملتونو د ځانګړي استازي د ټاکل کېدو او نورو مسایلو په اړه خپل دریځ نړیوالو ته وړاندې کړي، خو دغه فرصت یې له لاسه ورکړ.
برکات وايي، په دغه غونډه کې د طالبانو د نه ګډون لامل ناسم پوهاوی دی.
د امریکا غږ سره په ځانګړې مرکه کې نوموړي وویل چې دا غونډه یوازې د انزوا د بشپړ پای ته رسولو په هدف نه وه، بلکې په وینا یې نړیواله ټولنه دا وړاندیز کوي چې باید تر یوې کچې د طالبانو سره ښکیلتیا رامنځ ته شي.
د برکات په خبره، د غونډې تنظیموونکو معیاري لاره تعقیبوله او مدني تولنې یې په دغه غونډه کې شاملولې خو وايي، "دا چاره په کابل کې د اپوزیسیون په توګه او یا هم د طالبانو د حکومت د یواځني استازي په توګه او د طالبانو په رسمیت نه پیژندلو په توګه تعبیر شوه."
سلطان برکات وايي، نړیواله ټولنه د افغانستان ثبات ته ژمنه ده او نه غواړي چې په افغانستان کې بیا جګړه پیل شي.
له سلطان برکات سره بشپړه مرکه دلته وګورئ.
فورم \ دبحث خونه