د سربیا او کوسوو مشرانو نن په سپنې ماڼۍ کې د اقصتادي اړیکو د پیلولو لپاره تاریخي موافقه لاسلیک کړله.
د امریکا جمهور رئیس ډانلډ ټرمپ نن د جمعې په ورځ، سپټمبر ۴ (وږي ۱۴) په سپیڼې ماڼۍ کې د سربیا د جمهور رئیس الکساندر وویچ او کوسوو د صدراعظم عیادالله هوتي سره وکتل.
ښاغلي ټرمپ وویل چې دواړو هیوادونو د اقتصادي اړیکو د عادي کیدو ته ژمنتیا وښوده.
د لاسلیک په مراسمو کې د امریکا د جمهور رئیس مرستیال مایک پینس او د ښاغلي ټرمپ زوم او سلاکار جیرد کوشنر هم موجود و.
اروپایي اتحادیې د تیرو شاوخوا لسو کالونو راپدیخوا کوښښ کاوه چې د دغو پخوانو دښمنانو تر منځ سوله وکړي.
د موافقې دلاسلیک نه وروسته جمهور رئیس ټرمپ وویل د اړیکو عادې کیدو موافقې ځکه ډیر وخت ونیوه چې ددې کار د کولو لپاره مناسب شخص نه و موجود.
ښاغلي ټرمپ همدارنګه وویل " پخوا ډیرې جګړې وې خو اوس به مینه وي".
کوسوو په ۲۰۰۸ کال کې د سربیا نه د خپلواکۍ اعلان وکړ خو سربیا تر اوسه په رسمیت ندی پیژندلی. چین او روسیې هم تر اوسه د کوسوو خپلواک په رسیمت نده پیژندلې خو د امریکا او اروپایي اتحادیې د یو شمیر هیوادونو په ګډون د ملګرو ملتونو شاوخوا سلو هیوادونو د سربیا خپلواکي منلې ده.