د رسنیو د څار یو ملاتړي بنسټ ویلي دي چې په تیرو دوو میاشتو کې یې په افغانستان کې د خبریالانو په وړاندې د تاوتریخوالي او تهدید ۳۰ موردونه ثبت کړي دي.
د افغانستان د خبریالانو ملي ټولنې ویلي دي چې د خبریالانو په وړاندې ۹۰ سلنه دغه تاوتریخوالي او تهدیدات د طالبانو له خوا شوي دي.
د رسنیو د څار د بنسټ رئیس ماسور لطفي ویلي دي چې د خبریالانو په وړاندې ۴۰ سلنه تاوتریخوالی وهل ټکول او ۴۰ سلنه تاوتریخوالی او تهدید لطفي دی.
د لطفي په وینا په نورو مواردو کې د یوې ورځې لپاره د خبریالانو بندي کول او د یوه خبریال وژل هم شامل دي. سیمه ایز خبریال سید معروف سادات، دوه ملکي افراد، او دوه طالبان د ننګرهار ولایت په جلال آباد ښار کې د داعش د تندلارو په یوه برید کې ووژل شول.
د ۲۰۲۱ میلادي کال په اګست میاشت کې له افغانستان څخه د امریکایي قواوو د وتلو په جریان او له هغه وروسته درې خبریالان په افغانستان کې وژل شوي دي.
د رها خبري آژانس خبریال علي رضا احمدي او د جهان تلویزیون ویانده نجمه صادقي د کابل د هوایي ډګر په برید کې او سید معروف سادات په جلال آباد ښار په یوه برید کې ووژل شول.
د افغانستان د خبریالانو ملي ټولنه وایي چې دا تاوتریخوالي په سپتمبر او اکټوبر میاشتو کې په ټول افغانستان کې ثبت شوي چې شپږ مورده په کابل کې وو.
اسوشیټډ پرس خبري آژانس د لطفي له قوله راپور ورکړی چې ډیره برخه دغه تاوتریخوالي او تهدید د طالبانو له خوا شوی او د تاوتریخوالو درې مورده د ناپيژاندو کسانو له خوا ترسره شوي دي.
دغه راپور په داسې حال کې خپور شوی چې طالبان هڅه کوي له نړیوالې ټولنې سره خپل دیپلوماتیک روابط جوړ کړي. خو اکثریت هیوادونو په خاص ډول غربي هیوادونو په خاص ډول امریکا په رسمیت د طالبانو پيژندلو ته بې علاقې ده.
د طالبانو ویاند او د اطلاعاتو او کلتور وزارت مرستیال ذبیح الله مجاهد اسوشیټد پرس خبري آژانس ته ویلي دي چې د خبریالانو پر وړاندې له تاوتریخوالو خبر دی او د عاملینو د مجازات لپاره هڅې پیل شوي دي.
طالب چارواکو په مکرر ډول رسنیو ته ویلي دي چې اسلامي قوانین مرعات کړي خو د رسنیو له خوا یې د اسلامي قوانینو د رعایت د څرنګوالي په اړه څه ندي ویلي.
د خبریالانو د ساتنې کمیټه چې مقر یې په نیویارک ښار کې دی، په سپټمبر میاشت کې وویل چې له ۲۰۰۱ میلادي کال راهیسې تر اوسه پورې ۵۳ خبریالان په افغانستان کې وژل شوي چې ۳۳ تنه یې له ۲۰۱۸ کال را پدیخوا وژل شوي.
