د پښتون تحفظ تحریک مشر منظور پښتین د خپلو طرفدارانو نه غوښتي چې د پاکستاني امنیتي ځواکونو لخوا د تحریک د غړي ارمان لوڼي د قتل ضد دی احتجاجونه وکړي
منظور په خپل ټویټر او فیس بک د پښتنو نه غوښتي دي چې د ارمان لوڼي د بی رحمانه قتل خلاف دې په خپلو سیمو کې احتجاجونه تنظیم کړي.
منظور په خپل یو خپور شوي پیغام کې وویل چې پکار ده ټول ملاتړي یې د ارمان لوڼي د قتل ضد کمپاین وکړي.
د منظور پښتین په غوښتنه د امریکا په شمول د نړۍ د نورو ملکونو کې د سه شنبې په ورځ د احتجاجونو اعلان شویدي.
د یادونې وړ ده چې ارمان لوڼی د پښتون تحریک لمړنی غړی دی چې د امنیتي ځواکونو لخوا وژل شویدی.
د ارمان لوڼي د قتل نه وروسته د تحریک مشرانو سخت غبرگون ښودلی دی. د ارمان خور وړانگې د تحریک د غړیو نه غوښتي چې هغوي دې د عدم تشدد مبارزې ته دوام ورکړي.
