د افغانستان د عامې روغتیا وزارت په تېرو ۲۴ ساعتونو کې د هیواد په بېلابېلو ولایتونو کې د کرونا ویروس د ۱۵۷۵ نورو مثبتو پېښو ثبتېدو خبر ورکړی دی.
روغتیا وزارت نن چهارشنبه جون ۲۳ (چنګاښ دوهمه) ویلي چې ددې ترڅنګ په یو شمېر ولایتونو کې د کرونا ویروس له امله ۸۶ کسان مړه شوي دي.
د افغانستان روغتیا وزارت زیاتوي چې په تیرو ۲۴ ساعتونو کې د کرونا ویروس ۵۰۹۶ سمپلونو معاینات یې کړي چې ۱۵۷۵ یې مثبت و.
د رسمي شمېرو له مخې په دې سره په افغانستان کې د کرونا ویروس د ټولو مثبتو پېښو شمېر ۱۰۹۵۳۲ او له کرونا ویروس څخه د مړو شوو کسانو شمېر ۴۴۵۲ تنو ته لوړ شو.
همدارنګه په تیره شپه او ورځ کې ۷۳۵ تنه بیرته کرونا ویروس څخه جوړ شوي دي.
کرونا ویروس د لومړي ځل لپاره د ۲۰۱۹ کال په ډسمبر میاشت کې د چین د هوبي ایالت په ووهان ښار کې پيدا شو.
د امریکا د جانس هاپکینز پوهنتون د معلوماتو په اساس تر دا مهاله په نړۍ کې څه باندې ۱۷۸میلیون او ۲۰۲زره کسان په کرونا اخته شوي او له دغه ویروس څخه څه باندې ۳ میلیون او ۸۶۰زره کسان مړه شوي دي.
