د ننگرهار په زرگونو اوسیدونکو په شیرزي لوبغالي کې په موسیقۍ او مشاعرې د نارنج د گل هر کلی وکړ.
دا ٥١ کال دی چې په ننگرهار کې د نارنج گل دودیزه میله او مشاعره کیږي.
د نارنج گل سږنۍ میلې او مشاعرې ته د افغانستان د بېلابېلو ولایتونو تر څنگ د خیبر پښتونخوا شاعران لیکوالان او مینه وال هم راغلي وو.
نن د جمعې د ورځې په سهار میله پیل شوه چې په کې د ساز او سندرو تر څنگ ځوانانو اتڼونه هم وکړل.
له غرمې وروسته د سلګونو ګډونوالو او ننگرهار ته د راغلیو میلمنو په شتون سره د نارنج گل مشهور مشاعره هم وشوه.
د امریکا غږ خبرایل ذبیح الله غازي وایي چې سږ کال مشاعره تر ډېره نه وه سانسور شوی او شاعرانو په کې په آزاده توگه د خپل زړه درد بیان کړ.
ویدیو: ذبیح الله غازي او رحیم گل څاروان
اډیتور: هوشنگ فهیم
