په ټوله نړۍ کې د هر کال پشان نن هم د فرورۍ ٢١ د مورنۍ ژبې د نړیوالې ورځ په توگه ولمانځل شوه.
په ټولنیزو رسنیو پښتنو فعالانو بیا د خپلې مورنۍ ژبې پښتو د لیک لوست لپاره غږ پورته کړ او د پښتون ولس نه یې وغوښتل چې پښتو ژبې ته خدمت وکړي.
د پښتون تحفظ تحریک مشرانو هم د ورځې په مناسبت خپل پیغامونه خپاره کړل. د تحریک مشر منظور پښتین د ژبې د لیک لوست د رواجولو په اړه پرله پسې ټویټونه وکړل. پښتین په یو ټویټ کې داسې ولیکل:
د پښتون تحفظ تحریک مبارزې ثنا اعجاز هم د ورځې په مناسبت خپل پیغام خپور کړ. هغې په خپل ټویټر ولیکل:
سیاستمدار افراسیاب خټک په خپل ټویټر ولیکل:
د پاکستان پښتانه په مورنۍ ژبه لیک لوست غواړي
د پښتون تحریک مشر او د پارلمان غړي محسن داوړ په ٢١ فرورۍ په پارلمان کې یوه لایحه وړاندې کړه چې پښتو دې د پاکستان رسمي ژبه وگرځول شي.
په پاکستان کې پښتانه بیا دا گیله کوي چې په ښوونځیو کې د مورنۍ ژبو د نه ښودلو له کبله یې مورنۍ ژبو ته سخت تاوان رسولی دی.
د چارسدې پوهنتون پروفسره زاکره بیگم وایي چې د پښتو لپاره مبارزه په پښتون قام او په خاصه توگه په پاکستان کې په اوسیدونکو پښتنو فرض ده. هغې امریکا غږ ته وویل: "کله چې د یو قام ژبه د حکومت لخوا ځبل کیده پیل شي نو د هغې ژبې ساتنه بیا د قام په هر لوی او ماشوم فرض شي ځکه چې ژبه ورکیده د زوال لمړنۍ نښه ده."
په ټولنیزو رسنیو یو بلې فعالې رڼا مومند بیا دا هیله څرگنده کړه چې مورنۍ ژبه پښتو دې نه یواځې د ورځې د لمانځلو په ورځ بلکه هره ورځ وویل شي. هغې په خپل ټویټر ولیکل:
