د ایران د بهرنیو چارو وزیر محمد جواد ظریف په رسمي سفر نیویارک ته روان شوی دی.
د ایران د دولتي اژانس په راپور کې ویل شوي چې ټاکل شوې ښاغلی ظریف امریکا ته د سفر په ترڅ کې په نیویارک کې د ملگرو ملتونو په غونډه کې گډون وکړي.
دغه سفر پداسې حال کې کیږي چې د ایران او امریکا ترمنځ کړکیچ دوام لري.
د ایران د سپاه پاسداران له لورې د یوې امریکایي بې پیلوټه الوتکې د پرزولو وروسته د امریکا جمهور رئیس ډونالډ ټرمپ د ایران پر خاورې تر بریده مخکې لاړ، خو د برید د عملي کیدو څخه څو شیبې مخکې یې د حملې د درولو امر وکړ.
له دې دمخه امریکا د ایران سپاه پاسداران د ترهگرو سازمانونو په لست کې شامل کړی و او ایران یې په غبرگون کې اعلان کړی و چې په سیمه کې ټول امریکایي ځواکونه د ترهگرو قواو ته توگه پیژني.
امریکا ته د ایران د بهرنیو چارو وزیر سفر پداسې حالاتو کې د ایران او امریکا کړکیچ په بې سارې توگه جدي شوی د دواړو هیوادونو ترمنځ په اړیکو کې مهم گڼل کیږي.
د ملگرو ملتونو په غونډه کې له گډون پرته امریکا ته د ښاغلي جواد د کاري پروگرام په اړه نور جزییات تر اوسه ندي خپاره شوي.
