په هند کې چارواکي وایي چې د زهرجنو شرابو د څښکلو له کبله د سلو نه زیات تنه وژل شویدي او په لسگونو تنه په روغتون کې دي
دغه پیښه د اترپردیش او اترکنډ په ایالتونو کې شویده.
چارواکي وایي چې د شراب جوړونکو د ارزان بیه شرابو لپاره په شرابو کې یو داسې کیمیاوي مواد گډ کړی و چې هغه زیات تاوان رسوي. د هند حکومت وایي چې د ککړو کسانو خلاف یې اقدامات کړیدي او پدغه لړ کې یې په لسگونه تنه نیولي دي.
د هند حکومت دا هم وایي چې په وروستیو کې یې د جعلي شرابو د خرڅ په تور د ٣٠٠٠ نه زیات کسان نیولې دي.
ای پي لیکي چې د هند حکومت د لسگونو تنو پولیس چارواکو دندې هم ځنډولې دي.