چین د افغانستان د سولې سره د مرستې او ددې هیواد د جګړې د پای ته رسیدو په خاطر خپلې دپلوماتیکې هڅې له سره پیل کوي او ویلي یې دي چې د سیالو ډلو کوربتوب ته تیار دی.
د چین د بهرنیو چارو وزیر وانګ یي، د افغانستان د بهرنیو چارو له وزیر محمد حنیف اتمر او د ملي امنیت د شورا له سلاکار حمدالله محب سره په تلیفوني خبرو کې ددغې په مطلب د څرګندولو په ترڅ کې د افغانستان د سولې په لرلید هم خبرې وکړې.
د چین د بهرنیو چارو وزارت د ښاغلي وانګ له خولې لیکلي: "چین تیار دی چې د افغانستان د مختلفو اړخونو ترمنځ مذاکرات او ددې جملې نه په چین کې د مذاکرې لپاره لازم شرایط برابر کړي."
پدې وروستیو ورځو کې د چین د بهرنیو چارو وزیر پر واشنګټن باندې د هغه په وینا "په بیړه د امریکایي ځواکونو په ایستلو" انتقاد کړی چې دغه اقدام د افغانستان د سولې بهیر کمزوری کوي او "د سیمې پر ثبات یې هم ناوړه اغیز کړی".
دغه لوړپوړي چینایي دپلومات د ښاغلي محب سره په خبرو کې خپلې نیوکې تکرار کړي، خو په افغانستان کې یې "د یو سوله ییز انتقال د پرمختیا لپاره" د سولې د بهیر پر پرمخ بیولو ټینګار کړی دی.
د ښاغلي اتمر سره په خبرو کې د چین د بهرنیو چارو وزیر د ښکیلو اړخونو څخه وغوښتل چې د سولې د مذاکراتو د پیل کولو لپاره "یو ښه چاپیریال" رامنځ ته کړي.
هغه زیاته کړه: "چین هیله من دی چې د افغانستان راتلونکي مشران د یو معتدل اسلام سیاست پرمخ بیوزي، د سولې بهرنی سیاست ترویج کړي، د ګاونډیو هیوادونو سره خپله دوستي وساتي او د تروریزم له ټولو ډولونو پر وړاندې مقابله وکړي."
بیجینګ تر ډیره حده اندیښمن دی چې د افغانستان څخه د امریکایي او ناټو ځواکونو وتل ښایي ددې سبب شي چې پدې هیواد کې ګډوډي رامنځ ته شي او افغانستان د اسلامپالو سخت دریځو په ځاله بدل شي.
د افغانستان د ملي امنیت شورا په یو ټویټ کې لیکلي چې وانګ یي د افغانستان د امنیت شورا له سلاکار حمدالله محب سره په تلیفوني مکالمه کې ویلي چې ته یوازېنۍ مناسبه حل لاره د ښکیلو اړخونو ترمنځ سیاسي جوړجاړی دی."
افغانستان او چین دواړو ویلي چې تروریزم ګډ ګواښ ګڼي او دواړه هیوادونه باید پر وړاندې یې مبارزه وکړي.
