روسیې، ترکیې او ایران د جمعې په ورځ [سپټمبر ۱۵] په سوریې کې د امنو حوزو د جوړولو اعلان وکړ. دغه موافقه د قزاقستان په پلازمېنې استانه کې د سولې د مذاکراتو د تازه بهیر په ترڅ کې اعلان شوه.
د تظمین کوونکو هېوادونو تر څار لاندې به نوې امنې سیمې په ختیځه غوته کې د حمص او لازذقیه ولایتونو په ځینو برخو او دارنګه د ادلیب، هما او حلب په ښارونو کې جوړې شي. د سوریې په جنوبي سیمو کې به د روسیې په نوښت امني حوزې رامنځته شي.
ټولو ذیدخلو خواوو ددغو امنو حوزو پر څارلو ټینګار کړی دی. د خبرو په لړ کې پردې توافق وشو چې د امنو سیمو جوړول دې "د سوریې د عرب جمهوریت د حاکمیت حق، استقلالیت، اتحاد او ځمکنۍ بشپړتیا زیانمن نه کړي."
د استانې د سولې مذاکراتو دویمه پروسه به د روان کال د اکتوبر په میاشت کې پیل شي. راتلونکې غونډې کې به د امنو حوزو پر اغیزمنتوب خبرې وشي. دغې غونډې کې به د برمته شویو او نیولو شویو کسانو د آزادولو په خاطر یوه کاري ډله وګمارل شي.