افغانستان له چین څخه د ډاکټرانو د لېږلو تقاضا کړې ده. په بیجینګ کې د افغانستان سفیر جاوېد احمد قایم له امریکا غږ سره د یوې ځانګړې مرکې په ترڅ کې ویلي چې چينايي چارواکي د کابل پر غوښتنې غور کوي.
د کروناوېروس د چین له وهان څخه نړۍ ته خپره شوه او اوسمهال د افغانستان په شمول د نړۍ په شاوخوا ۱۸۵ هېوادونو کې خلک پر دغه وېروس اخته شوي دي.
د افغان سفیر وایې چې چین د مصنوعي ساه اخېستلو له ماشینونو پرته، افغانستان ته زیات طبي وسایل وسایل لېږلي دي.
د تازه شمېرو له مخې په افغانستان کې په کرونا د اخته کسانو شمېر نږدې ۱۰۰۰ ته رسېدلی دی.
په امریکا کې د جانس هاپکنز د پوهنتون د معلوماتو له مخې، د یکشنبې تر سهاره [اپریل ۱۹]شاخوا ۲،۳ مېلیونه خلک په کروناوېروس اخته شوي دي.
په چین کې د افغانستان سفیر د مرکې په پیل کې د کروناویروس د معلوماتو د پټ ساتلو په اړه پر چینایانو د نړېوالې ټولنې پر نیوکو تبصره کړې ده.
