د افغانستان د کرکټ الف لوبډلې (افغان ابدالیان) نن دوشنبه اکتوبر ۱۴ (تلې۲۳) د عمان لوبډلې ته د ۴۴ منډو په توپیر ماتې ورکړه.
افغانستان عمان ته په ټاکل شویو ۲۰ اورونو کې د کپتان دروېش رسولي د ۱۰۹ منډو په واسطه د ۲۱۲ منډو هدف وټاکه. بل افغان لوبغاړي کریم جنت هم ۶۰ منډې وکړې.
د عمان لوبډلې یوازې ۱۶۷ منډې وکړې او لوبه یې وبایلله.
دروېش رسولي ددې لوبې ترټولو غوره لوبغاړی ونومول شو.
دا لوبه د افغانستان، عمان او هانګ کانګ ترمنځ د ۲۰ اوریزو لوبو د درې اړخیزې لړۍ برخه ده چې په عمان کې کېږي.
افغانستان په دې بري سره د دغې لړۍ پایلوبې ته لاره وکړه چې سبا سه شنبې د هانګ کانګ سره کیږي.
افغان ابدالیانو تېره ورځ هانګ کانګ ته ماتې ورکړې وه.
فورم \ دبحث خونه