د امریکا د بهرنیو چارو وزارت وایې چې له افغانستان څخه د امریکايي قواوو د ویستلو پر نېټې هېڅ موافقه نه ده شوې.
د بهرنیو چارو وزرات په یوې اعلامیې کې راغلي چې د امریکا په پوځي ماموریت کې هر ډول بدلون به حالاتو ته په کتو راځي.
دا په تېرو څو مېاشتو کې د افغانستان په اړه د امریکا لومړی څرګند پیغام بلل کېږي.
ملت د کلنۍ وینا په ترڅ کې د امریکا ولسمشر ډونالډ ټرمپ وویل چې په افغانستان کې له دوه لسیزو جګړو او نښتو وروسته، امریکا د افغانانو ترمنځ د سولې لپاره هڅې زیاتې کړې دي.
ټرمپ ونه ویل چې له افغانستان څخه ټول امریکايي پوځیان وباسي خو ټینګار یې وکړ چې که د سولې موافقه وشوه، نو د خپلو عسکرو شمېر به راکم کړي.
ښاغلي ټرمپ دا هم وویل چې لا تر اوسه پورې ورته دا نهده معلومه چې د سولې خبرې به کامیابې شي او که نه، خو پکار ده چې سوله وشي.
دا څرګندونې داسې مهال کیږي چې امریکايي استازي زلمي خلیلزاد له طالبانو سره د سولې په خبرو کې پرمختګ شوی دی. له افغانستان څخ د امریکايي سرتېرو وتل د طالبانو مهم شرط بلل کیږي.
دا مهال شاوخوا ۱۴۰۰ امریکایي سرتېري افغانستان کې دیره دي چې افغان امنیتي ځواکونو ته سلا مشورې او تجهیزات ورکوي.
