په ننګرهار کې چارواکو امریکاغږ ته وویل د ننګرهار په ټولو ولسوالیو کې نن جګړه نه ده شوې.
د مقاماتو په وینا نه په امنیتي ځواکونو برید شوی او نه حکومتي قواو په طالبانو برید کړې.
په سیمه کې د اشناتلویزیون د خبریال ذبیح الله غازي په وینا حکومتي سرتیرو د سه شنبې سهار په ډیرو هیلو او د اوربند له غږ سره پیل کړ.
د افغانستان حکومت د روژې میاشتې له اوویشتمې (۲۷) پیل او د کوچني اختر تر پنځمې (۵) پورې د اوربند اعلان کړې، او طالبانو د اختر په اولو دریو ورځو کې د اوربند اعلان کړې، خو سره لدې چې د اوربند ورځې ډیرې کمې ښکاري، بیاهم ډېر خلک دغه چاره د سولې د راتګ نښې ګڼي.
