په دغې ویډیو کې چې د امریکا غږ همکارې شیلپي بترا رالېږلې ده، د هند په جیپور ښار کې د یوه پلورنځي مخې ته کوترو ته د دانې ورکولو بهیر انځور شوی.
کوترو او نورو الوتونکو مرغانو ته دانې اچول؛ سم یا ناسم کار؟
په ځینو ټولنو کې کوترو او نورو الوتونکو مرغانو ته دانې اچول او تغذیه کول یو ښه کار ګڼل کېږي او ډیری خلک معمولاً دا کار کوي، خو د چاپیریال ساتنې کارپوهان بیا د دې کړنې مخالف دي. د دوی په وینا، د کوترو یا نورو مرغانو تغذیه کول د چاپیریال طبیعي څرخ اغېزمنوي او کولی شي چاپیریالي ستونزې رامنځته کړي.