یو انتحاري ماشوم د سوریې سرحد ته نژدې د ترکیې په کرد میشته ساحه کې لږترلږه یو پنځوس کسان وژلي او نژدې اویا نور يي زخمیان کړل.
دا برید د کردانو په یو واده کې شوی. د ترکیی جمهور رئیس، رجب طیب اردوغان د برید سمدستي وروسته وویل چې برید د داعش اړوند ترهګرو کړې چې غواړي د قومي او مذهبي اختلافاتو له لارې، ترکیه بی ثباته کړي.
پلټونکو د پیښې پرځای کې د انتحاري واسکټ ځینی پاتې ټوټې موندلی دي. پدې چاودنه کې ناوې نده زیانمنه شوې، خو زوم ټپي شوی دی. دا په اصل کې د ؤاده نه مخکې د نکریزو د شپې مراسمو وو چې خپل خپلوان او دوستان د خپلو خوشحالیو د لمانځنې دپاره راټول شوي وو.
د وژل شوو د جملې څخه دولس تنه خاورو ته سپارل شوي دي خو د زیات شمیر نورو دپاره باید انتظار وایستل شي. د کردانو په ملاتړ د خلکو د دیموکراتیک گوند یوې اعلامیی کی ویل شوي چې دا د هغوي د گوند د یوه غړي د واده مراسم وو چې په ترڅ کې یی زیات شمیر میرمنی او ماشومان وژل شوي دي.
د ترکیی د روغتیا وزیر او د ترکیی د صدراعظم مرستیال محمد شیمشک نن په غازیان تپې کې د هغه روغتون نه لیدنه وکړه چې د وروستی بمي چاودنې قربانیان او ټپیان ور انتقال شوي دي.
د روغتیاوزیر رجب اکدغان د برید په سهار وویل د یو زخمي وضعیت ډیر خراب دی او د دوه تنو نورو صخت مخ په ښه کیدو دی او ځنی چې سرسري زخمیان وو تر درملنې وروسته يي کورته لیږلي دي.
پدې چاودنه کې تر اوسه پورې د وژل شویو شمیر لږترلږه یو پنځوس ښودل شوی دی. دا د یو انتحاري برید گر حمله وه چې ځان يي د هغو خلکو په منځ کې وچاوه چې د ترکیی په جنوبی ښار کې پر سرک باندی د واده په خوشحالۍ کې په نڅاؤ سر وو.
ابراهیم اوزدمیر د پیښې په وخت په ساحه کې و او وایي غواړي دا ډول ډله ایزه وژنې بندې شي ځکه ښځې او ماشومان يي د لاسه ورکړي.
ترکیه اوس په هیواد کې دننه او د سوریی سره پولی ته نږدی سیمو کې د ترهه گرو د بریدونو له جدي گواښ سره مخ ده.
د ترکیی پر حکومت باندی د ناکامی کودتا نه، چې د جولای په څوارلسمه وشوه، هم دومره زیات وخت نه تیریږي. د جون په میاشت کې هم د استانبول په مرکزي هوایی ډگر باندی د داعش په برید کی څلور څلویښت تنه وژل شوي وو.
د تیر کال په اکتوبر میاشت کې هم یوه انتحاري برید کونکي د کردانو د کارگر گوند د پلویانو په یوه لاریون کې چې د انقرې د ښار د اورگاډو په مرکزي ستیشن کې سره را ټول شوی ځان والوځاوه او پنځه نوي تنه یی ووژل.
