محمد داوود چې له لسو کلونو راهیسې په نشو اخته دی وایي کله کله د خپلو نشو او د ژوند د نورو ستونزو له امله د ځانوژنې فکرونه ورځي.
د غزني اوسېدونکی شېرمحمد چې خپل کور ته نږدې نشه يي توکي کاروي، شاوخوا پنځه کاله کیږي کور ته نه دی تللی او نه یې هم د کورنۍ غړو پوښتنه کړې ده.
د پکتیکا اوسېدونکی محمد داوود وايي یو وخت د پولیسو په لیکو کې وو چې هلته یې د ډېرو ستونزو او اندېښنو له امله نشه يي توکو ته مخه کړه.
ذبیح الله چې د کندهار پوهنتون له پښتو ادبیاتو پوهنځي څخه فارغ دی، له څو کلونو راهیسې په نشه يي توکو اخته دی.
تنکی ځوان وقار شینواری چې د ننګرهار اوسېدونکی دی، د نشو له امله یې کورنۍ او زده کړې پرې ایښي او په غزني ښار کې له نورو معتادینو سره شپې سبا کوي.
د غزني اوسېدونکی ذکریا چې دیني زده کړې یې کړي یو وخت یې شعرونه لیکل او نعتونه ویل خو له شاوخوا لسو کلونو را هیسې نشه ييتوکي کاروي چې اوس هر څه ترې پاته شوي دي.
د پکتيکا پولیس وايي چې په تېرو څو ورځو کې یې د نشه يي توکو یو شمېر پلورنکي او قاچاقبران له بېلا بېل ډول نشه يي توکو سره نیولي او قضايي او عدلي ارګانونو ته یې سپارلي دي.
مل پاسوال نجیب الله سرتېر چې میاشت وړاندې د پکتیکا ولایت امنیه قوماندان ټاکل شوی وايي، د نشه يي توکو له قاچاق کوونکو او پلورونکو سره جدي مبارزه کوي.
د غزني ښار اوسېدونکې فېروزه وايي چې خاوند یې په زوره په نشه يي توکو اخته کړې وه او تر یو کال یې زیات نشه ييتوکي کارول.
په پکتيکا کې له نشه يي توکو سره د مبارزې مسئولين وايي هغه لارې په جدي ډول څاري چې قاچاقبران پرې د نشه يي توکو د قاچاق هڅې کوي.
په غزني کې د عامې روغتیا اړوند ډاکټران د روغتونونو تر څنګ د معتادینو د راټولېدو په سیمو کې هم د هغوی درملنه کوي او همدارنګه د نشو د پرېښولو لارې چارې ورښيي.
په غزني کې د معتادینو د درملنې روغتون مسئولین وايي چې په دغه ښار کې یې نږدې ۱۵۰۰ داسې کورنۍ ثبت کړي چې ډېری غړي یې په نشه يي توکو اخته دي.
لس کلن سرور چې مور یې په نشه يي توکو اخته ده، ټوله ورځ د غزني په حسن اباد کې له نورو معتادینو سره یو ځای تېروي.
په غزني ولایت کې مدني فعالان وايي چې بېکاري د دې لامل شوې چې ځوانان له کورنیو ستونزو سره مخ شي او له هغه وروسته نشو ته مخه کړي.
د ملي اردو پخوانی سرتېری ضیاءالحق چې دا مهال په غزني ښار کې له نورو معتادینو سره اوسیږي، وايي چې دریو ورونو یې په جګړه کې ژوند له لاسه ورکړی.
د غزني اوسېدونکي وايي چې په دې ښار کې په ازاد ډول د نشه ييتوکو کاروبار روان دی چې هیڅوک یې د مخنیوي لپاره اقدام نه کوي.
په غزني کې ټولنیزې فعالانې وايي چې د نارینه معتادینو د شمېر له زیاتوالي سره په دغه ښار کې د ښځینه او ماشومو معتادینو شمېر هم زیات شوی.
د غزني اوسېدونکی خالقداد چې د ښوونځي د لوستلو تر څنګ یې دیني زده کړې کړي، له ۱۲ کلونو راهیسې پوډر څکوي.
د میدان وردګ اوسېدونکی حزب الله ایران ته د مزدورۍ لپاره تللی و خو هلته یې د کوټې ملګرو په نشه يي توکو اخته کړ.
د غزني د قره باغ ولسوالۍ اوسېدونکی محمد نبي شاوخوا څلور کاله کیږي چې په نشه يي توکو روږدی دی.
نور پورته کول
