په غزني کې د دې ولایت د مرستیالې هوسۍ اندړ په مشرۍ د دیني عالمانو، مدني ټولنو استازو او ځوانانو یوه ګډه کومېټه جوړه شوې چې له نشه يي توکو سره د مبارزې په هڅو کې همغږي رامنځته کړي.
د غزني اوسېدونکی احمد شاوخوا لس کاله کېږي چې په نشه يي توکو اخته دی او له همدې امله یې ژوند له سختو کړاوونو سره مخ دی.
د غزني اوسېدونکې محبوبه وايي هغه مهال په نشو اخته شوه چې د لور تر مړینې وروسته یې خوب ورک شو او معتاد خاوند یې د دې لپاره چې خوب ورشي نشه يي توکي په وڅکول.
په غزني کې یو سیمه ییز سندرغاړی همایون چې له شاوخوا یوې لسیزې راهیسې نشه ييتوکي کاروي، واييچې پخوا یې ډېر مینه وال درلودل.
د هلمند اوسېدونکی جمعه خان چې شاوخوا ۲۱ کلن دی، له څو کلونو راهیسې بېلا بېلې نشې کوي او دا مهال په غزني کې له نورو معتادینو سره یو ځای شپې سبا کوي.
د میدان وردګو اوسېدونکو محب الله چې پخوا یې مستریتوب کاوه، له څو کلونو راهیسې په نشو اخته دی او اوس په غزني کې له نورو معتادینو سره شپې او ورځې سبا کوي.
د غزني اوسېدونکی دادالله وايي کله چې تنکی ځوان وو، خپل ورور ته به یې نشه يي توکي راوړل چې له همدې امله دی هم په نشو اخته شو.
د میدان وردګو اوسېدونکی محمد سلیم تنکی ځوان وو چې ایران ته د مزدورۍ لپاره لاړ، خو هلته یې خپلو نږدې ملګرو په نشو اخته کړ.
د غزني اوسېدونکی ګل جان چې له نږدې دوو لسیزو راهیسې په نشو اخته دی وایي چې له ډېرې بې وزلۍ څخه یې خپله مېرمن او ماشومان د خسر کور ته لېږلي.
د غزني اوسېدنکی امیرخان چې شاوخوا شل کلن دی وايي هغه مهال په نشه يي توکو اخته شو چې ایران ته د مزدورۍ لپاره لاړ.
د پکتیکا د ښځو چارو رئيسه خوشبو میدانوال وايي په دې ولایت کې زیاتره ښځې اوس وړې نشې کوي او دا وېره شته چې په راتلونکې کې لویو نشو ته هم لاس واچوي.
د غزني اوسېدونکی محب الله چې شاوخوا ۱۲ کاله کیږي په نشه يي توکو اخته دی، وايي هغه مهال یې نشو ته مخه کړه چې په ایران کې یې مزدوري او سخت کارونه کول.
د غزني اوسېدونکی شېرعلي دوولس کلن وو چې ایران ته د مزدورۍ لپاره لاړ، خو هلته یې خپل ماما په نشو اخته کړ.
اته کلن عزت الله چې پلار یې په نشه يي توکو اخته دی، د کورنۍ د نفقې برابرولو لپاره ټوله ورځ په غزني ښار کې سپلني دودوي.
د غزني اوسېدونکی عاشق الله چې پخوا یې رکشه چلوله، خپلو ملګرو په نشو اخته کړ او اوس ټوله ورځ له نورو معتادینو سره تېروي.
د غزني اوسېدونکې رقیه وايي وروسته له هغه چې یوه لور یې مړه شوه نو خوب یې ورک شو او خاوند یې د دې لپاره چې خوب ورشي پوډر ورکول.
د غزني اوسېدونکی غفور چې په ایران کې خپل ملګري په نشه يي توکو اخته کړی وايي ایران ته د کار لپاره تللی وو، خو په نشو اخته شو.
۳۰ کلنه زرغونه چې نږدې یوه لسیزه کیږي په نشه يي توکو اخته شوې ده، وايي چې له واده کولو وروسته یې خاوند نشه يي توکي ورکول.
د زابل اوسېدونکی رحمت الله هغه مهال په پوډرو اخته شو چې کله یې نورو ملګرو ته د پیسو لپاره نشه يي توکي رسول.
د غزني اوسېدونکی امان الله چې له شاوخوا لسو کلونو راهیسې نشه يي توکي کاروي وايي ځکه واده نه کوي چې نه غواړي د یو بل چا ژوند هم خراب کړي.
نور پورته کول
