شاهين افريدي په ۲۰۱۴ کې د اسلام اباد نمل پوهنتون څخه په ژورنالزم کې ماستري کړې ده. له ۲۰۱۲ کال راهيسې په پښتونخوا او پاکستان کې د ځايي او نړۍ والو رسنيو سره د خبريال په حيث کار پيل کړی. د ۲۰۲۲ راهسې امريکا غږ اشنا سره کار کوي.
له هغه راهیسې چې د پاکستان حکومت د جولاۍ میاشتې له ۳۱ نېټې څخه له افغانستان څخه دغه هېواد ته د ورتلونکو موټرچلوونکو لپاره د داخلې د لنډمهاله اسنادو اخیستل لازمي وګرځول، تر دامهاله یوازې ۲۰ سلنه موټرچلوونکي توانیدلي چې دغه اسناد ترلاسه کړي.
په پېښور کې د افغان کډوالو په کمپونو کې یو شمېر مېرمنې د خپلو کورنیو لګښتونو د پوره کولو لپاره ټوله ورځ د غالۍ په اوبدلو تېروي، چې بیا دغه اوبدل شوي غالۍ یې په بازارونو کې په لوړه بیه پلورل کېږي. دغه مېرمنې وايي، چې نړیوال بازار ته د نه لاسرسي له امله د لږ عايد په بدل کې زیات کارکولو ته اړې دي.
په پېښور کې یوې غیر دولتي موسسې د معلولو نجونو او ښځو لپاره د حرفوي زده کړې مرکز جوړ کړی دی. دغه مرکز، معلولیت لرونکې مېرمنې نه یوازې د حرفوي زده کړو په برخه روزي، بلکې هغوی ته د ورزش په برخه کې هم روزنه ورکوي. ددغه مرکز مسؤلین وايي، چې فارغې شوې میرمنې اوس د خپلو مهارتونو پر مټ خپلواک ژوند کوي.
په پاکستان کې زیاتره افغان کډوال ماشومان د خپلو کورنیو د اقتصادي اړتیاوو له کبله ښوونځي ته له تګ محروم دي او په کم عمرۍ کې په راز راز کارونو بوخت دي. خو د دې ستونزې د حل لپاره، په خیبرپختونخوا ایالت کې یوه غیر دولتي موسسه هڅه کوي چې دغه ماشومانو ته د زده کړو زمینه برابره کړي. پ
په پېښور کې مېشت یو شمېر افغان کډوال چې د قيمتي ډبرو سوداګري کوي، وايي چې په پاکستان کي د پيسو ليږد راليږد، انټرنټ او په ټولنيزو رسنيو بنديز له کبله پيرودونکو ته لاسرسي نه لري او دغه کسب او کار زيانمن شوی دی. شاهين افريدی۔ امريکا غږ
په پېښور کې د " ښکلو هنرونو" یو روزنیز مرکز د ښوونځيو د رخصتیو پر مهال، ماشومانو ته د انځورګرۍ، موسیقۍ، نکلونو ویلو او فټنس په ګډون د هنري فعالیتونو په بېلابېلو برخو د فعالیت زمینه هواره کړې ده. پدغه ویډیو کې چې شاهین اپریدي رالیږلې، ددغه روزنیز مرکز ورځنی فعالیت انځور شوی دی.
د پېښور په بورډ بازار کې یو شمېر افغان ګډوال، په نوې بڼه افغاني جامې ډیزاین کوي. دوى وايي، چې تر څلور زره ډېر ډيزاينونه لري چې د ماشين په مرسته په عادي جامو کې لګول کیږي . دا جامې په پاکستان کې د افغان میرمنو د خوښې وړ دي او تر ډیره په ودونو کې اغوستل کیږي. شاهين اپريدی- امريکا غږ
د پیښور اوسیدونکی ثناءالله د رنګینو تارونو او میخونو په کارولو سره یو عادي تخته په درې اړخیزه یا "تري ډي" تابلو بدلوي. د نوموړي په خبره، په خیبر پښتونخوا کې یوازینی هنرمند دی چې په دې برخه کې په مسلکي توګه کار کوي.
یو شمېر افغان نرښځیان وايي د طالبانو له وېرې کډوالۍ ته اړ شوي او اوس په پاکستان کې له ګڼو ستونزو سره مخ دي.
د پيښور عالي محکمې پرېکړه کړې چې افغان اتباعو ته واده شوي پاکستانۍ ښځې د افغانستان او پاکستان دوه ګونی تابعیت لری شي. محکمې دا پریکړه هم کړې، هغه ماشومان چې له دغه مېندو او پلرونو څخه زېږېدلي وي، تر ۲۱ کلنۍ پورې خپل دوه ګونی تابعیت ساتلې شي، خو له هغه وروسته به د یو هېواد تابعیت غوره کوي.
د پېښور د بورډ په بازار کې ځايي خلک او افغان کډوال د دغو دوکاندارانو په لاس د جوړو شويو کاليو اخیستلو لپاره راځي. هټیوال وايي چې د وخت په تېرېدو سره اوس سوداګري تر ډېره په آنلاین بڼه شوې او دلته ډېر افغان هټیوال د ټولنیزو رسنیو له لارې د نړۍ په ګوټ ګوټ کې افغان لباسونه او جامې پلوري.
د افغانستان د ګیلاسو او الوبالو جوس په لنډی کوتل کې خورا مشهور دی. د جوس جوړونکي وايي، هره ورځ د تورخم له لارې له افغانستان څخه تازه الوبالو راوړي. د دې جوس مينه وال د بیلابیلو سیمو څخه دلته د جوس څښلو لپاره راځي.
د پېښور پوهنتون د حیواناتو، نباتاتو او ځنګلي څارویو یو ځانګړی موزیم جوړ کړی، چیرې چې څیړونکي نه یوازې د دې ژویو او نباتاتو په اړه، بلکې د اقلیمي بدلونونو په اړه هم څیړنې کولای شي.
په پېښور کې مېشت افغان کډوال شمس الدين د پېښوري څپليو ماهر کسبګر دی. نوموړی چې له درې لسیزو راهیسې دغه کسب او کار کوي، وايي په لاس یې جوړې شوي دودیزې څپلۍ نه يوازې په پاکستان او افغانستان کې، بلکې په خليجي هيوادونو کې هم مشتریان لري.
د پلازمېنې اسلام اباد په یو روزنیز مرکز کې یو شمېر تازه راغلیو افغان کډوالو ته په بېلابېلو برخو کې د زده کړو اسانتیاوی برابر شوي دي.
د چاپیریال ساتنې په اړه د خلکو د پوهاوي په زیاتوالي سره په پاکستان کې د بريښنايي موټرسایکلونو پیر پلور هم زیات شوی دی. د خیبرپښتونخوا په پېښور ښار کې ددغو بريښنايي موټرسایکلونو پیرودنکي وايي چې د دې سره نه یوازې په لګښتونو کې سپما کوي، بلکې د چاپیریال په پاک ساتلو کې هم مرسته کوي.
په افغانستان کې دجمهوريت له نسکورېدو وروسته د فوټبال هغه لوبغاړي چې پاکستان ته کډوال شوي له ګڼو ننګونو سره مخامخ دي. دوي وايي له يو شمېر بنديزونو سره مخ کيدو او د ښې راتلونکي په خاطر یې مهاجرت غوره کړی او وايي د اسانتیاو د نشتوالي له امله د فوټبال غوره لوبغاړي له لاسه ورکوي.
د پېښور ځایي محکمې د محرم په میاشت کې د افغانانو پر تګ راتګ بندیز لګولی دی چې دغلته مېشت افغان کډوال یې انديښمن کړي. د دوی په خبره، د محرم په شلو ورځو کې به نه یواځې ژوند ورته سخت شي بلکې کاروبارونه به یې هم ډیر تاوان وویني. شاهين افريدي - امريکا غږ
د خيبر پښتونخوا د مردان سیمې يو ځوان د معتادينو، معيوبو او د کونډو ماشومانو ته وړيا زده کړې ورکوي. په دې ښوونځي کې تر سلو ډېر ماشومان په زده کړو بوخت دي، چې له دې وړاندې به يي په کوڅو کې کثافات راټولول. دغه ځوان هڅه کوي چې دغو ماشومانو ته د زده کړو ترڅنګ لاسي هنرونه هم ورزده کړي.
پېښور کې د هوا ګرمیدو برسیره، ډیری وخت د بریښنا نه شتون خلک دې ته اړ کړي چې د ګرمې هوا له څپو څخه د ځان ژغورلو په موخه د لامبو حوضونو ته مخه کړي. شاهين افریدي د لامبو یو حوض ته ورغلی او ځوانانو سره خبرې کړي.
نور پورته کول
