د ورځې غوره انځورونه
تر ټولو غټ ګلابي رنګه الماس چې په لندن کې خرڅولو ته ایښودل شوی او تمه کیږي چې د ۲۸ څخه تر ۳۸ ملیونو ډالرو په قیمت خرڅ شي.
د چین په هنان ولایت کې د رزمي هنرونو د یو ښونځي زدکونکي د کونګ فو د تمرین په حال کې.
د ګرجستان د تفلیس ښار قدیمي برخه چې د کورا سیند په غاړه پرته ده.
د یونان په شمال کې پناه غوښتونکي د سرحد د بیا پرانیستلو لپاره د اعتراض په وخت کې له پولیس سره د نښتې په حال کې.
د چین د حکومت د تشریفاتو یو افسر چې د چټک باد له کبله خپله موازنه له لاسه ورکړې ده.
د اور وژنې د څانګې یو هلي کوپتر پر هغه اور د اوبو شیندلو په حال کې چې د اریزونا ایالت په دښتو کې لګیدلی او د کولورادو له سیند څخه اوښتی او اوس د کالیفورنیا ایالت ته رسیدلی دی.
د مالیزیا د کوالا لامپور ښار په ژوبڼ کې یو اوه میاشتینی پاڼډا د لوبې په حال کې.
د امریکا جمهوري ریاست ته کاندیده، هیلري کلنتن، د نیویار ښار په مترو کې د سفر په حال کې.