ډاکټر اشرف غنى احمدزى:
محمد اشرف غني احمد زی په کابل کې زېږېدلی دی او خپل ابتدايي او متوسطه ښوونځی یې په استقلال او حبیبې لیسو کې پای ته رسولې او د لوړو زدکړو دپاره بیروت ته تللی دی چیري چې یې د حقوقو او سیاسي علومو په برخه کې د بیروټ د امریکايي پوهنتون څخه خپل لیسانس او ماسټري ترلاسه کړه.
ښاغلي احمدزي د نړیوالو اړیکو او انسان پېږندنې په برخه کې خپله دویمه ماستړي ترلاسه کړې ده او دریمه ماسټري یې هم د نړیوالو اړیکو په برخه کې په امریکا کې ترلاسه کړې ده.
دغه راز ښاغلي احمدزي د امریکا د کولمبیا د پوهنتون څخه د انسان پېږندنې په برخه کې خپله دوکتورا ترلاسه کړې ده.
ښاغلي احمدزي د ډینمارک د داروس په پوهنتون کي او د امریکا د برکلي او جانز هاپکنز په پوهنتونو کې د پروفیسور په توګه دنده ترسره کړې .
په ۲۰۰۱ کال کي یې د نړیوال بانک د پلان د ایجاد او ستراتيژۍ د ریْس په توګه کار کوی.
د ژریم د بدلون سره افغانستان ته ستون سو او په بیلابیلو برخو کې یې د مشرتابه مقامونه پرمخ بیولي دي چې په کښي د حکومت سلاکار پاته شوی دی، د نړیوالو مرستو د انسجام مسول پاته شوی دی او د مالیې وزیر او د کابل د پوهنتون د مشر په توګه یې کار ترسره کړی دی.
په دې ورستیو کې یې د افغان ملي امنیتي ځواکونو د امنیتي مسولیت د انتقال د کمیسون مشري هم په غاړه درلودله.
ډاکتر عبدالله عبدالله :
ډاکټر عبدالله عبدالله د کابل په ښار کې زېږېدلی دی. خپلي ابتدايي زده کړې یې د نادریې په لیسې کې بشپړې کړي دي او وروسته یې د کابل پوهنتون د طب په پوهنځي کې لوړې زده کړې کړي دي.
ډاکټر عبدالله د کابل د نور په روغتون کې دنده ترسره کړې او دمهاجرت پر مهال یې په پاکستان کې د سید جمال الدین په روغتون کې د ډاکټر په صفت کار کړی دی.
ښاغلي عبدالله د جهاد په دوران کي، د پنجشیر د جبهې د صحي سرپرست په توګه کار کړی او وروسته یې د احمد شاه مسعود د سلاکار په توګه د کابل تر آزادۍ پوري دنده ترسره کړې ده.
د طالبانو د رژیم د سقوط نه وروسته ډاکټر عبدالله د پنځو کالو دپاره د افغانستان د باندنیو چارو وزیر پاته شوی دی او د ۲۰۰۹ کال د جمهوري ریاست په انتخاباتو کي د ولسمشر کرزي سره دویم پړاو ته ووتی.
ډاکټر هدايت امين ارسلا:
هدایت امین ارسلا د کابل په ښار کي زېږېدلی دی او د ښوونځي څخه د فراغت وروسته یې د اقتصاد او سیاسي علومو په رشته کې د کابل د پوهنتون څخه خپل لیسانس اخیستی دی .
ښاغلي ارسلا د اقتصاد په برخه کې په امریکا کې ماسټري او دوکتورا ترلاسه کړې ده.
ښاغلي ارسلا د ۱۸ ماشتو دپاره په یوه نړیوال بانک کې په اقتصادي او اجرایوي چارو کې دنده ترسره کړې ده او په ۱۹۸۷ کال کي د پخواني شوروي اتحاد د یرغل پرضد په جهاد کې شامل شو.
ښاغلي ارسلا د طالبانو د رژیم دسقوط څخه وروسته د موقتې ادارې د مرستیال ریْس او د تجارت د وزیر په توګه دنده ترسره کړې ده. وروسته یې د اداري اصلاحاتو د مستقلې ادارې مشري کوله او د اقتصادي همکاریوو په کمېټه کې هم غړی پاته شوی دی . دغه راز د ملي امنیت د شورا غړیتوب یې هم درلولی.
ډاکټر زلمى رسول:
زلمی رسول په کابل کې زېږېدلی دی او د استقلال د لیسې څخه د فراغت وروسته یې د طب په برخه کې خپلې لوړې زده کړې د ماسټرۍ تر سطحې پوري په فرانسې کې پای ته رسولي دي.
هغه د پاریس په یوه روغتون کې د زړه د ناروغۍ د متخصص په توګه دنده ترسره کړې ده او د سعودي عربستان د وسله والو قواوو په روغتون کي یې هم د ډاکټر په صفت کار کړی دی.
ښاغلي رسول وروسته د روم په ښار کې د افغانستان د پخواني پاچا محمد ظاهر شاه د دفتر د ریْس په توګه کار کړی دی.
ښاغلي رسول دغه راز د پاریس په ښار کې د افغان حقیقت د خپرونې مسول هم پاته شوی دی چې د افغانستان د جهاد دپاره یې فعالیت کوی.
ښاغلی رسول د موقتې ادارې د ایجاد وروسته د هوا نوردی د ریٌْس په توګه تعین شو او وروسته د افغانستان د ملي امنیت د شورا د مشر په توګه تعین شو. په ۲۰۱۰ کال کې د افغانستان د باندنیو چارو د وزیر په توګه د ولسمشر کرزي له خوا په دنده وګمارل شو او د جمهوري ریاست د انتخاباتو ته د درېدو پوري یې هغه دنده ترسره کړه.
محمد داود سلطان زوی
محمد داود سلطانزوی د غزني په ولایت کې زېږیدلی دی. خپل ابتدايي او ثانوي ښوونځۍ یې د حبیبې په مکتب کې پای ته رسولې ده او وروسته د کابل پوهنتون د انجنیرۍ پوهنځی ته ولاړی او د هغه ځای څخه د امریکا په بورس کې د کامیابه کېدو وروسته امریکا ته ولاړی او هلته یې د پیلوټۍ په برخه کې لوړې زده کړې وکړې.
ښاغلي سلطانزوی د آریانا، سعودي عربستان او د امریکا په یونایټډ هوايي شرکتونو کې د پیلوټ په توګه دنده ترسره کړې ده.
ښاغلي سلطانزوی د ۱۳۸۴ څخه نیولې تر ۱۳۸۹ پوري د افغانستان په ولسي جرګې کې د غزني ولایت د استاځي په توګه کار کړی دی او په ولسي جرګې کې د اقتصادي کمیسون مشري کوله.
عبدالرب رسول سياف :
عبدالرب رسول سیاف د کابل ولایت د پغمان په ولسوالۍ کې زېږېدلی دی او خپل ابتدايي تحصیلات یې د امام ابو حنیفې په مدرسې کې په کابل کې پای ته رسولي دي او وروسته د کابل پوهنتون د شریعاتو د پونځۍ څخه فارغ شوی چې په تعقیب یې په همدغې پوهنځۍ کې د استاد په توګه کار کړیدی.
ښاغلي سیاف د کابل په پوهنتون کې د استاد په توګه د دوو کلونو وروسته دندې څخه د الازهر پوهنتون ته ولاړی او هلته یې د احادیثو په برخه کې ماستړي ترلاسه کړه.
ښاغلي سیاف د شوروي د یرغل پرضد د افغانستان د مجاهدینو د مشهورو مشرانو په ډله کې شمیرل کېږي او د طالبانو د حکومت د سقوط وروسته یې په نوې ادارې کې هم برخه درلودله. د دې ترڅنګ یې د افغانستان د اضطراري او اساسي قانون په لویو جرګو کې هم ونډه درلودله او د پارلمان په دوو دورو کې یې په ولسي جرګې کې د کابل د خلګو استاځيتوب کوی.
محمدشفيق ګل آغا شيرزى:
محمد شفیق ګل آغا شیرزی د کندهار په ولایت کې زېږېدلی دی او د کندهار د مشرقي ښوونځي څخه فارغ شوی دی.
ښاغلی شیرزی په کندهار کې د مجاهدینو د قوماندانانو له ډلې شمیرل کېږي او د مجاهدینو د حکومت پر مهال یې د کندهار د والي په توګه دنده ترسره کړې ده.
د طالبانو د سقوط وروسته لومړی د کندهار والي و او وروسته بیا د شهر سازۍ او مسکن وزیر سو. شیرزي د ۱۳۸۵ ام کال راهیسي تر هغه مهال چې د ۱۳۹۳ کال د جمهوري ریاست د انتخاباتو دپاره کاندید شو، د ننګرهار د والي په توګه دنده ترسره کړېده.
عبدالقيوم کرزى:
عبدالقیوم کرزی د کندهار په ښار کې زېږېدلی دی او د ولسمشر حامد کرزي مشر ورور دی.هغه د حقوقو او سیاسي علومو په برخه کې په امریکا کي لوړې زده کړې کړي دي.
ښاغلي کرزي د افغانستان په ولسي جرګه کې په تیرې دورې کې د کندهار د خلګو د استاځي په توګه دنده ترسره کړې ده او اوس مهال په تجارت اخته دی.
محمد نادر نعيم:
محمد نادر نعیم د کابل په ښار کې زېږېدلی دی او وروسته په کوچنیوالي کې لندن ته مسافر شو. هغه د کمپیوټر سیاینس په برخه کې د نورت لندن د پوهنتون څخه د لیسانس تر سطحې پوري لوړې زده کړې کړي دي.
ښاغلي نعیم د ملت د بابا محمد ظاهر شاه د راستنیدو سره افغانستان ته راستون شو او د هغه د دفتر د ریْس په توګه یې کار کوی.
ښاغلي نعیم وروسته په افغانستان کې د ولس د غږ په نامه باندي یو سیاسي تحریک تاسیس کړ او د هغه مشري کوي.
عبدالرحیم وردک:
عبدالرحیم وردک د میدان وردک ولایت د چک په ولسوالۍ کې زېږېدلی دی . د حبیبیې په لیسې کې یې ابتداييه او لسیه ویلې ده او وروسته د کابل د حربي ښوونځۍ محصل شو.
ښاغلي وردک خپل عالي تحصیلات د امریکا په نظامي پوهنتون او د مصر د علي نصر په نظامي اکاډمي کې ترسره کړي دي.
د تحصیل د بشپړیدو وروسته یې د کابل په حربي ښوونځۍ کې د استاد په توګه دنده ترسره کړې ده.
ښاغلي وردک د موقتې ادارې پرمهال د ملي دفاع د وزارت د مرستیال په توګه او وروسته د ملي دفاع د وزیر په توګه دنده ترسره کړې ده.
د ملي دفاع د وزارت د مقام نه وروسته یې د ولسمشر کرزي د امنیتي چارو د ستر سلاکار په توګه دنده ترسره کړې ده.
انجينيرقطب الدين هلال:
انجنیر قطب الدین هلال د خوست ولایت د جاجي میدان په ولسوالۍ کې زېږېدلی دی او د ابتدايي شوونځي وروسته د کابل حربي ښوونځی ته تللی او هلته یې خپلې زده کړې بشپړې کړي دي.
ښاغلي هلال خپلې لوړې زده کړې د ساختماني انجنیرۍ په برخه کې بشپړې کړي دي او خپل لیسانس یې د مهندۍ د پوهنځۍ د تخنیک د اکاډمۍ نه ترلاسه کړې ده.
ښاغلي هلال د هجرت پر مهال په پاکستان کې د ګلبدالدین حکمتیار په مشري د حزب اسلامي د سیاسي کمېټې مشري په غاړه درلودله او په حزب کې یې د پکتیا ولایت چارې پرمخ بېولې.
محمد اشرف غني احمد زی په کابل کې زېږېدلی دی او خپل ابتدايي او متوسطه ښوونځی یې په استقلال او حبیبې لیسو کې پای ته رسولې او د لوړو زدکړو دپاره بیروت ته تللی دی چیري چې یې د حقوقو او سیاسي علومو په برخه کې د بیروټ د امریکايي پوهنتون څخه خپل لیسانس او ماسټري ترلاسه کړه.
ښاغلي احمدزي د نړیوالو اړیکو او انسان پېږندنې په برخه کې خپله دویمه ماستړي ترلاسه کړې ده او دریمه ماسټري یې هم د نړیوالو اړیکو په برخه کې په امریکا کې ترلاسه کړې ده.
دغه راز ښاغلي احمدزي د امریکا د کولمبیا د پوهنتون څخه د انسان پېږندنې په برخه کې خپله دوکتورا ترلاسه کړې ده.
ښاغلي احمدزي د ډینمارک د داروس په پوهنتون کي او د امریکا د برکلي او جانز هاپکنز په پوهنتونو کې د پروفیسور په توګه دنده ترسره کړې .
په ۲۰۰۱ کال کي یې د نړیوال بانک د پلان د ایجاد او ستراتيژۍ د ریْس په توګه کار کوی.
د ژریم د بدلون سره افغانستان ته ستون سو او په بیلابیلو برخو کې یې د مشرتابه مقامونه پرمخ بیولي دي چې په کښي د حکومت سلاکار پاته شوی دی، د نړیوالو مرستو د انسجام مسول پاته شوی دی او د مالیې وزیر او د کابل د پوهنتون د مشر په توګه یې کار ترسره کړی دی.
په دې ورستیو کې یې د افغان ملي امنیتي ځواکونو د امنیتي مسولیت د انتقال د کمیسون مشري هم په غاړه درلودله.
ډاکتر عبدالله عبدالله :
ډاکټر عبدالله عبدالله د کابل په ښار کې زېږېدلی دی. خپلي ابتدايي زده کړې یې د نادریې په لیسې کې بشپړې کړي دي او وروسته یې د کابل پوهنتون د طب په پوهنځي کې لوړې زده کړې کړي دي.
ډاکټر عبدالله د کابل د نور په روغتون کې دنده ترسره کړې او دمهاجرت پر مهال یې په پاکستان کې د سید جمال الدین په روغتون کې د ډاکټر په صفت کار کړی دی.
ښاغلي عبدالله د جهاد په دوران کي، د پنجشیر د جبهې د صحي سرپرست په توګه کار کړی او وروسته یې د احمد شاه مسعود د سلاکار په توګه د کابل تر آزادۍ پوري دنده ترسره کړې ده.
د طالبانو د رژیم د سقوط نه وروسته ډاکټر عبدالله د پنځو کالو دپاره د افغانستان د باندنیو چارو وزیر پاته شوی دی او د ۲۰۰۹ کال د جمهوري ریاست په انتخاباتو کي د ولسمشر کرزي سره دویم پړاو ته ووتی.
ډاکټر هدايت امين ارسلا:
هدایت امین ارسلا د کابل په ښار کي زېږېدلی دی او د ښوونځي څخه د فراغت وروسته یې د اقتصاد او سیاسي علومو په رشته کې د کابل د پوهنتون څخه خپل لیسانس اخیستی دی .
ښاغلي ارسلا د اقتصاد په برخه کې په امریکا کې ماسټري او دوکتورا ترلاسه کړې ده.
ښاغلي ارسلا د ۱۸ ماشتو دپاره په یوه نړیوال بانک کې په اقتصادي او اجرایوي چارو کې دنده ترسره کړې ده او په ۱۹۸۷ کال کي د پخواني شوروي اتحاد د یرغل پرضد په جهاد کې شامل شو.
ښاغلي ارسلا د طالبانو د رژیم دسقوط څخه وروسته د موقتې ادارې د مرستیال ریْس او د تجارت د وزیر په توګه دنده ترسره کړې ده. وروسته یې د اداري اصلاحاتو د مستقلې ادارې مشري کوله او د اقتصادي همکاریوو په کمېټه کې هم غړی پاته شوی دی . دغه راز د ملي امنیت د شورا غړیتوب یې هم درلولی.
ډاکټر زلمى رسول:
زلمی رسول په کابل کې زېږېدلی دی او د استقلال د لیسې څخه د فراغت وروسته یې د طب په برخه کې خپلې لوړې زده کړې د ماسټرۍ تر سطحې پوري په فرانسې کې پای ته رسولي دي.
هغه د پاریس په یوه روغتون کې د زړه د ناروغۍ د متخصص په توګه دنده ترسره کړې ده او د سعودي عربستان د وسله والو قواوو په روغتون کي یې هم د ډاکټر په صفت کار کړی دی.
ښاغلي رسول وروسته د روم په ښار کې د افغانستان د پخواني پاچا محمد ظاهر شاه د دفتر د ریْس په توګه کار کړی دی.
ښاغلي رسول دغه راز د پاریس په ښار کې د افغان حقیقت د خپرونې مسول هم پاته شوی دی چې د افغانستان د جهاد دپاره یې فعالیت کوی.
ښاغلی رسول د موقتې ادارې د ایجاد وروسته د هوا نوردی د ریٌْس په توګه تعین شو او وروسته د افغانستان د ملي امنیت د شورا د مشر په توګه تعین شو. په ۲۰۱۰ کال کې د افغانستان د باندنیو چارو د وزیر په توګه د ولسمشر کرزي له خوا په دنده وګمارل شو او د جمهوري ریاست د انتخاباتو ته د درېدو پوري یې هغه دنده ترسره کړه.
محمد داود سلطان زوی
محمد داود سلطانزوی د غزني په ولایت کې زېږیدلی دی. خپل ابتدايي او ثانوي ښوونځۍ یې د حبیبې په مکتب کې پای ته رسولې ده او وروسته د کابل پوهنتون د انجنیرۍ پوهنځی ته ولاړی او د هغه ځای څخه د امریکا په بورس کې د کامیابه کېدو وروسته امریکا ته ولاړی او هلته یې د پیلوټۍ په برخه کې لوړې زده کړې وکړې.
ښاغلي سلطانزوی د آریانا، سعودي عربستان او د امریکا په یونایټډ هوايي شرکتونو کې د پیلوټ په توګه دنده ترسره کړې ده.
ښاغلي سلطانزوی د ۱۳۸۴ څخه نیولې تر ۱۳۸۹ پوري د افغانستان په ولسي جرګې کې د غزني ولایت د استاځي په توګه کار کړی دی او په ولسي جرګې کې د اقتصادي کمیسون مشري کوله.
عبدالرب رسول سياف :
عبدالرب رسول سیاف د کابل ولایت د پغمان په ولسوالۍ کې زېږېدلی دی او خپل ابتدايي تحصیلات یې د امام ابو حنیفې په مدرسې کې په کابل کې پای ته رسولي دي او وروسته د کابل پوهنتون د شریعاتو د پونځۍ څخه فارغ شوی چې په تعقیب یې په همدغې پوهنځۍ کې د استاد په توګه کار کړیدی.
ښاغلي سیاف د کابل په پوهنتون کې د استاد په توګه د دوو کلونو وروسته دندې څخه د الازهر پوهنتون ته ولاړی او هلته یې د احادیثو په برخه کې ماستړي ترلاسه کړه.
ښاغلي سیاف د شوروي د یرغل پرضد د افغانستان د مجاهدینو د مشهورو مشرانو په ډله کې شمیرل کېږي او د طالبانو د حکومت د سقوط وروسته یې په نوې ادارې کې هم برخه درلودله. د دې ترڅنګ یې د افغانستان د اضطراري او اساسي قانون په لویو جرګو کې هم ونډه درلودله او د پارلمان په دوو دورو کې یې په ولسي جرګې کې د کابل د خلګو استاځيتوب کوی.
محمدشفيق ګل آغا شيرزى:
محمد شفیق ګل آغا شیرزی د کندهار په ولایت کې زېږېدلی دی او د کندهار د مشرقي ښوونځي څخه فارغ شوی دی.
ښاغلی شیرزی په کندهار کې د مجاهدینو د قوماندانانو له ډلې شمیرل کېږي او د مجاهدینو د حکومت پر مهال یې د کندهار د والي په توګه دنده ترسره کړې ده.
د طالبانو د سقوط وروسته لومړی د کندهار والي و او وروسته بیا د شهر سازۍ او مسکن وزیر سو. شیرزي د ۱۳۸۵ ام کال راهیسي تر هغه مهال چې د ۱۳۹۳ کال د جمهوري ریاست د انتخاباتو دپاره کاندید شو، د ننګرهار د والي په توګه دنده ترسره کړېده.
عبدالقيوم کرزى:
عبدالقیوم کرزی د کندهار په ښار کې زېږېدلی دی او د ولسمشر حامد کرزي مشر ورور دی.هغه د حقوقو او سیاسي علومو په برخه کې په امریکا کي لوړې زده کړې کړي دي.
ښاغلي کرزي د افغانستان په ولسي جرګه کې په تیرې دورې کې د کندهار د خلګو د استاځي په توګه دنده ترسره کړې ده او اوس مهال په تجارت اخته دی.
محمد نادر نعيم:
محمد نادر نعیم د کابل په ښار کې زېږېدلی دی او وروسته په کوچنیوالي کې لندن ته مسافر شو. هغه د کمپیوټر سیاینس په برخه کې د نورت لندن د پوهنتون څخه د لیسانس تر سطحې پوري لوړې زده کړې کړي دي.
ښاغلي نعیم د ملت د بابا محمد ظاهر شاه د راستنیدو سره افغانستان ته راستون شو او د هغه د دفتر د ریْس په توګه یې کار کوی.
ښاغلي نعیم وروسته په افغانستان کې د ولس د غږ په نامه باندي یو سیاسي تحریک تاسیس کړ او د هغه مشري کوي.
عبدالرحیم وردک:
عبدالرحیم وردک د میدان وردک ولایت د چک په ولسوالۍ کې زېږېدلی دی . د حبیبیې په لیسې کې یې ابتداييه او لسیه ویلې ده او وروسته د کابل د حربي ښوونځۍ محصل شو.
ښاغلي وردک خپل عالي تحصیلات د امریکا په نظامي پوهنتون او د مصر د علي نصر په نظامي اکاډمي کې ترسره کړي دي.
د تحصیل د بشپړیدو وروسته یې د کابل په حربي ښوونځۍ کې د استاد په توګه دنده ترسره کړې ده.
ښاغلي وردک د موقتې ادارې پرمهال د ملي دفاع د وزارت د مرستیال په توګه او وروسته د ملي دفاع د وزیر په توګه دنده ترسره کړې ده.
د ملي دفاع د وزارت د مقام نه وروسته یې د ولسمشر کرزي د امنیتي چارو د ستر سلاکار په توګه دنده ترسره کړې ده.
انجينيرقطب الدين هلال:
انجنیر قطب الدین هلال د خوست ولایت د جاجي میدان په ولسوالۍ کې زېږېدلی دی او د ابتدايي شوونځي وروسته د کابل حربي ښوونځی ته تللی او هلته یې خپلې زده کړې بشپړې کړي دي.
ښاغلي هلال خپلې لوړې زده کړې د ساختماني انجنیرۍ په برخه کې بشپړې کړي دي او خپل لیسانس یې د مهندۍ د پوهنځۍ د تخنیک د اکاډمۍ نه ترلاسه کړې ده.
ښاغلي هلال د هجرت پر مهال په پاکستان کې د ګلبدالدین حکمتیار په مشري د حزب اسلامي د سیاسي کمېټې مشري په غاړه درلودله او په حزب کې یې د پکتیا ولایت چارې پرمخ بېولې.