د سن رازیر حیدرآباد لوبډلې نن په یوې حساسې لوبې کې د کلکتې د کی کی آر لوبډلې ته ماته ورکړه او فاینل ته ورسیده.
د سن رایزر لوبډلې افغان لوبغاړی راشد خان د نن ورځې په لوبه کې د توپ وهنې، توپ اچونې او ډگرساتنې په برخو ډیر ښه وځلید.
د هند د ملي لوبډلې پخواني مشهور لوبغاړي سچن ټینډولکر په خپله ټویټر پاڼه لیکلي "ما لومړی فکر کاوه چې راشد خان ښه ورو توپ اچونکی دی، خو اوس د شک پرته هغه یو غوره توپ وهونکی هم دی چې د خپل بیټ کمال یې وښود. راشد رښتیا غوره لوبغاړی دی."
Always felt @rashidkhan_19 was a good spinner but now I wouldn’t hesitate in saying he is the best spinner in the world in this format. Mind you, he’s got some batting skills as well. Great guy.
— Sachin Tendulkar (@sachin_rt) May 25, 2018
همداشان د اسټرالیا د ملي لوبډلې پخوانی کپټان مایکل کلارک وایي "راشد خان نن په ریښتینې توګه وښودله چې ولې د نړۍ تر ټولو غوره لوبغاړی دی." هغه دا هم ویلي چې راشد تل د کرکټ مینه والو ته خوښي په برخه کوي.
له بلې خوا د هند د بهرنیو چارو وزیره وایي ډیر ټویټرونه یې کتلي چې د هند خلکو راشد خان ته د هند افتخاري تابعت ورکولو غوښتنه کړې ده خو د هغې په وینا د هغې نه بلکه د هند د کورنیو چارو ورارت دنده ده.
@rashidkhan_19 - I have seen all the tweets. Citizenship matters are dealt with by Ministry of Home affairs.
— Sushma Swaraj (@SushmaSwaraj) May 25, 2018
راشد خان په نننۍ لوبه کې د سن رایزر حیدرآباد لوبډلې لپاره د توپ وهنې په برخه کې په ١٠ بالونو ٣۴ رنزونه وکړل.
هغه همداشان د غوره ډگرساتنې تر څنگ د توپ وهنې په برخه کې په څلورو اورونو کې د ١٩ منډو په ورکولو سره د مخالفې لوبډلې درې مهم لوبغاړي وسوزول.
ټاکل شوې چې د هند د کرکیټ د غوره لیگ د سیالیو پایلوبه د راروانې یکشنبې په ورځ په ممبای کې وشي.
دا پداسې حال کې دي چې د هند غوره لیگ د سږکال په سیالیو کې د راشد خان تر څنگ د افغانستان د ملي لوبډلې دوو نورو لوبغاړو محمد نبي عیسی خیل او مجیب ځدران گډون کړی دی.