د افغانستان جمهور رئیس حامد کرزی وایی دده حکومت په افغانستان کی د امریکا په نظامی عملیاتو باندی کنټرول او د افغاني بندیانو ښه ساتنه او حراست غواړی . هغه دا وینا وروسته له هغه وکړه چی په یوه رپوټ کی په افغانستان کی د امریکا په یوه نظامی اډه کی د بندیانو په حقوقو باندی د تیریو خبرونه خپاره شول . هغه نن په کابل کی په یوه خبری کنفرانس کی وویل ده د نیویارک ټایمز د هغه رپوټ په خپریدو ټکان وخوړ چی په کی د امریکا د پوځ د یوه پټ او سری سند په حواله ددغو تیریو ذکر شوی دی. ښاغلي کرزي د هغو نظامی افرادو په مقابل کی چی دا تورونه پر ثابت شی د امریکا د سختو اقداماتو غوښتنه کړې ده . هغه وویل چی دا موضوع به په واشنگټن کی د امریکا د جمهور رئیس بوش سره د خپل راتلوکي ملاقات په وخت وڅیړی . د پوځ رپوټ چی پرون د نیویارک ټایمز په ورځپاڼه کی خپور شوئ وایی چی د اردو هغو ځوانو عسکرو چی سمه نظامی روزنه نه وه ورکړه شوې سر په سر د بندیانو حقوق پایماله کړی دي . امریکایی مامورینو به پخوا ویل چی داسی کارونه ډیر نادر پېښیږی .
