ناټو وایی چی دافغانستان او دامنیت ساتنی نړیوالی قواو د طالبانو هغه سړی نیولی دی چی په جنوبی افغانستان کی د سړک دغاړی دڅو بم چونو په اړه حکومت ورپسی گرځیده چی وی نیسی.
د ناټو خبر لیک چی نن د پنجشنبی په ورځ په دی برخه کی خپور شو؛ وایی چی دناټو او افغان قواو گډ لټون د غه مشکوک د کندهار ښار غرب لوری په یوه کلی کی ونیول شو. رپوټ وایی چی دهغه په هکله معلومات ددی سبب شول چی عسکر په هغه پسی ورشی او د چارشنبی په ورځ یی بی له کومی پیښی نه ونیسی.
د برتانیی ددفاع وزارت نن د پنجشنبی په ورځ وویل چی دبم په یوه چاودنه کی د هیلمند په ولایت کی ددوی یو عسکر ووژل شو.
رپوټ وایی چی ددی عسکر له وژل کیدو سره په افغانستان کی د برتانیی دعسکرو د تلفاتو شمیر د ٢٠٠١ میلادی کال راهیسی په افغانستان کی ٢١١ ته رسیږی.
له بل پلوه د چارشنبی په ورځ طالبانود چارشنبی په ورځ دهغی چاودنی مسوولیت په غاړه واخیست چی دافغانستان د استخباراتو مرستیال عبدالله لغمانی له ٢٢ نورو کسانو سره پکی ووژل شو. داچاودنه د فغانستان د لغمان په ولایت کی شوی وه.
چاودنه د چارشنبی په ورځ هغه وخت وشوه چی سهار دغه ډله خلک دمهتر لام له یوه جومات نه راووتل. په همدغه پیښه کی لږ تر لږه ٣٥ کسان زخمی شول.