د گرجستان د حکومت مخالف مشران او ددوی په لسگونو زره پلویان نن دیکشنبې په ورځ په تبلیسی کې راټول شویدی چې دهغه څه په باب احتجاج وکړى چې دوی ورته د جمهوری ریاست په وروستیو انتخاباتو کې بیساری ټگی برگی وائې.
د گرجستان د انتخاباتو چارواکېو نن دیکشنبی په ورځ وویل، دجمهوری ریاست دجنجالی انتخاباتو وروستی نتیجی ښېئ چې میخائل سا کاشویلی په (٥٣ ) فیصده رایو سره دجمهوری ریاست ددوهمی دوری لپاره انتخاب شویدی.
ښاغلې ساکاشویلی د اکثریت رائې گټلی دی نو اوس ددی فرصت نشته دی چې دمخالف مشر (لیوان گاچیچ لادیځ ) سره ددوهم پړاو انتخابات وکړی . دجمهوری ریاست دمقام لپاره اوه (٧ ) تنه کاندید وو.
ښاغلې گاچیچ لادیځ (٢٦ ) فیصده رایه گټلی واو پدی حساب دوهم راغلې دی. د گرجستان دحکومت مخالفین ادعالری چې په انتخاباتو کې ټگی برگی شویده او په همدى سبب د انتخاباتو په لومړى پړاو کې ساکاشویلی بریالی شو.
بین المللی څارونکو اعلان کړیدی چې په عمومې توگه دغه انتخابات آزاد او عادلانه وو.