ایرانی مطبوعات وایی چی د دوی حکومت د ملگرملتو د ملتو د هغو ماهرانو سره د خبرو نوی پړاو شروع کړیدی چی غواړى د ایران د پخوانیو اتومی فعالیتونو په باب معلومات ترلاسه کړی.
د فارس خبری اژانس په وینا دا خبری نن په تهران کی شروع شوی او د چارشنبی ترورځی به روانی وی.
دغه اژانس وایی چی د ملگرو ملتو د اتومی انرژې د موسیسی هیت به د یورینیمو د هغو نمونو په باب پوښتنی کوی چی پخوا د ملگرو ملتو مفتشانو د تهران په پولی تخنیک کی موندلی وی.
د اتومی انرژئ نړیوالی موسیسی او ایران په تیر اگست کی په یو داسی مهال وېش باندی موافقه کړی وه چی د هغی له قراره به د ایران د اتومی پروگرام په باب پیدا شوو پوښتنو ته ځوابونه ورکول کیږی.
دی نه وړاندی دواړو طرفونو د ایران لخوا د یورینمیو د غنی کولو دپاره د سینټر فیوژنو په استمال او نور مسلو باندی خبری کړی وی.
تیره هفته د امریکا د استخباراتو لخوا یو داسی راپور خپور شو چی پکی ویل ېې ایران د اتومی وسلو د جوړولو کار په ٢٠٠٣ کی بند کړی دی.
خو اسرایل وایی چی ایران اوس هم په پټه اتومی پروگرام پرمخ بیایی.