دهالنډ حکومت دافغانستان په جنوب کې دخپلو عسکرو دوره اوږده کړیده چې هلته ددوه زره لسم کال پوری دناټو دقواو دیوې برخی په حیث هلته خپله وظیفه سرته رسوی . دهالنډ کابینی دغه پریکړه کړیده او اوس به ئې ددغه هیواد پارلمان دغه پریکړه تصویبوی . دهالنډ ١٧٠٠ عسکر دارزگان په ولایت کې ځای په ځای شویدی چې هلته دناټواو دامریکا په مشری عسکر دېاغی طالبانو په خلا ف جنگیږی . په افغانستان کې دهالنډ دولس عسکر وژل شویدی . دهالنډ خلکو په حکومت فشار راوستی دی چې دخپلو عسکرو ماموریت په افغانستان کې محدود کړی ځکه چې هالنډیان دخپلو عسکرو دتلفاتو په باره کې اندیښنه لری . په روان کال کې په افغانستان کې تاوتریخوالی زیات شویدی ځکه چې یاغی طالبان غواړی دناټواو امریکا ئې عسکر له افغانستان نه اوباسی او دافغانستان حکومت راوپرزوی .
