پاکستاني پولیس وایی چی د صوبه سرحد د صوات په دره کی نن د اردو د موټرو یوه کتار ته د سړک په غاړه د بم په چاودنه کی لږ تر لږه ١٥ کسه وژل شوي او څو نور زخمي شوي دي.
دغي لیري او گوښه سیمي ته د پاکستان حکومت څه د پاسه دوه زره عسکر لیږلي دي چی د یوه طالب پلوه مبارز ملا د طرفدارانو سره وجنگیږی.
د سه شنبې په ورځ هم کله چی دغه عسکر دې درې ته ننوتل نو په لار کی یې موټروته یو بم وچول شو چی څلور عسکر یې زخمي کړل.
دغه سیمه د ( تحریک نفاذ شریعت محمدی) کلک مورچل دی . دا یوه لغوه شوې تند روه ډله ده او په افغانستان کی د یاغي طالبانو سره نژدې اړیکي لری.
د پاکستان جمهور رئیس پرویز مشرف دغه ډله په ٢٠٠٢ کال کی وروسته له هغه لغوه شوې اعلان کړه او د هغې مشر ( صوفی محمد) یې بندی کړ چی دغي ډلي خپل په زرهاو غړي افغانستان ته ولیږل چی د امریکا په مشري قواو سره چی طالبان یې پسی واخیستل وجنگیږی .