افغانستان په اړه د ملګرو ملتونو امنیت شورا پریکړه لیک ته غبرګونونه - سپینې خبرې

د ملګرو ملتونو امنیت شورا د جمعې په ورځ ډسمبر ۲۹مه د یو پریکړه لیک په تصویبولو سره د افغانستان د ملي حاکمیت، خپلواکۍ، ځمکنۍ بشپړتیا او ملي یووالي او همدارنګه له افغانانو سره د دوامداره ملاتړ په برخه کې د دغې شورا پر ټینګو ژمنو ټینګار وکړ. ايا د ملګرو ملتونو د دغه پرېکړه ليک تصويب د طالبانو په رسميت د نه پيژندلو او په افغانستان کې د دغې ډلې د واکمنۍ پر وړاندې د جدي دريځ د نیولو مانا لري؟