د متحدو ا یالاتو ولسمشر ډانلډ ټرمپ به نن له دموکراتو مشرانو سره وگوری چی دامریکا او مکسیکو په سرحد کې ددیوال وهلو د بودجې دمنظورولو لپاره وروستی هڅې وکړي.
ددیوال د وهلو لپاره بودجه د حکومت د لگښتونو له سترې بودجی سره تړلې ده او پکارده چی د ډیسیمبر په ٢١ مه منظور شی.
د ولسمشر ټرمپ دریځ ددې دیوال لپاره ددومره بودجی په توجیه کولو کې دادې چی د امریکا او مکسیکو ترمنځ دادیوال به د مرکزی امریکا نه د کډوالو د یرغل مخه ونیسی.
ولسمشر دیته سترگې په لاردی چی دده د سرحدی دیوال دوهلو د پنځو ملیارد ډالرو بودجی په منظورولو کې له دموکراتانو سره د مصالحی لپاره کومه لاره شته ده که نه. البته دا بودجه به د ٢٠١٩ کال لپاره وي.
ددې لپاره چې له رخصتیو نه مخکی د حکومت د یوې برخې د بندیدلو مخه ونیول شی، نو سرحدي دیوال لپار د بودجی منظورول د جمهوری غوښتونکیو په کنترول کې کانگرس لپاره ډیر مهم او اخری عمل گڼل کېږي.
ولسمشر ډانلډ ټرمپ به دهمدی مقصد لپاره نن په سنا کې د دموکراتانو د ا قلیت له مشر چک شومر سره او داستازیو په خونه کې داقلیت له مشرې نانسسی پلوسی سره ملاقات وکړی.
Your browser doesn’t support HTML5
د پنځو ملیاردو دیوال
د ولسمشر ټرمپ ادارې د سږکال لپاره د یواعشاریه ٣٧٥ ملیارد ډالرو بودجه د سرحددامنیت لپاره ترلاسه کړی وه خو هغه د سپتبمر په دیرشمه پایته ورسیدله.