ابتداییه محکمې د چارشنبې په ورځ د افغانستان د جمهورریس مرستیال جنرال دوستم اته تنه محافظان په غیاب کې محاکمه کړل، هر یو یې په اتو کالونو بند محکوم کړل.
د جوزجان پخوانی والي، احمد ایشچي د ابتدائيه محکمې په
فیصلې اعتراض کړیدی.
احمدایشچی وایي، دغه اته کسه محآفظآن او عسکر په جرم کې شامل دي، مگر دده اصلي مدعي جنرال دوستم، د جمهورریس اول مرستیال دی. نو دوستم باید زر تر زره د خپل جنایت سزا و وینی.
جنرال دوستم، په ابتدا کې، یعنی یوکال مخکې، د ایشچي ادعا سیاسي دسیسه گڼلې ده.
مونږ دغه مسله د افغانستان د حقوق پوهانو د اتحادیې د غړي، د سیاسي او حقوقي چارو تحلیگر سید خالد سادات سره مطرح کړه
سید خالد سادات وایي، د افغانستان د نافذه قوانینو په اساس د ایشچې اعتراض سم دی چې د قضې په ټولو اړخونه باید قانون تطبیق شي.
خو په اساسي قانون کې ابهاماتو ددغسې قضیو حل مشکل کړیدی.
په اساسي قانون کې د جمهورریس د محاکمې شرایط تعریف شویدی مگر مرستیال د محاکمې د شرایطو تعریف نشته دی. نو محاکمو ته ډیره مشکله ده چې موجوده قانون په جنرال دوستم باندی تطبیق کړي.
د سید خالد سادات سره د زیبا خادم بشپړه مرکه دلته اوریدلې شئ
Your browser doesn’t support HTML5
د سید خالد سادات سره مرکه